Зинедин Зидан: «Биз исталган жамоани мағлуб эта оламиз»

«Қойилмақом ўйин ўтказдик. Учта гол уриш жуда қийин. Биринчи таймда гол урдик ва кўпроқ вазият яратдик. Учта гол уриб ўзимиз тўп ўтказмаганимиздан хурсандман. Рақиб майдонидаги голлар қанчалик муҳимлигини биламиз.

Олдинда жавоб баҳси бор. Меҳнат қилиш ва финалга чиқиш керак. «Атлетико» майдонида осон бўлмаслигини биламан.

Криштиану – туғма тўпурар. У ғаройиб. Барча футболчилар ажойиб ўйнашди. Бугун Иско ўз ишини яхши бажарди. Асенсио ва Лукас Васкес ҳам қойилмақом ўйнашди. Ҳимояда ҳам яхши ҳаракат қилдик. .

Таркибимизда шундай футболчилар борлиги менинг ютуғим. Улар билан исталган жамоани мағлуб эта оламиз», – дейди Зидан.