ЖЧ-2014. Эквадор уч очко эгасига айланди

Биринчи турда мағлубиятга учраган бу икки аламзада жамоа, иккинчи турда ўзаро баҳс олиб боришларига тўғри келди. Эквадор рақибига нисбатан бироз тажрибалироқ  ва кучлироқ деб эътирой этилган эди. Учрашув бошланиши билан Эквадор ушбу сўзларни амалда исботлашга киришди. Биринчи бўлимда жамоалар имкон қадар ҳужумкорроқ футбол намойиш этишга уринишди. Учрашувнинг 31-дақиқасига келиб Гондураснинг ташкил этган ҳужуми гол билан якунланди. Гондурас футболчис Костлининг жарима майдончаси олдидан йўллаган зарбасини Домингез бартараф эта олмади ва ўйинда ҳисоб очилди, 1:0.

Ўтказиб юборилган голан сўнг Эквадор тезда ҳужумга отланди ва тезкор жавоб тўпини киритишга эришди.

34-дақиқада Эквадор ҳужумчиси Эннер Валенсия жамоаси томонидан уюштирилган ҳужумни самрали тарзда якунлай олди ва ҳисобни тенглаштирди, 1:1.

Жамоалар танаффусга шу ҳисоб билан чиқиб кетишди.

Иккинчи бўлимда ҳам Эквадор кўпроқ ўйинни назорат қилди ва бир қатор ҳужумлар уюштирди.

65-дақиқада жарима зарбасидан сўнг тиниб-тинчимас Эннер Валенсия боши билан Гондурас дарвозасига иккинчи голни киритди, 1:2.

Айнан шу гол учрашув тақдирини ҳал этди ва Эквадор уч очкони ишлаб олди.

Гондурас эса навбатдаги мағлубиятни тан олишга мажбур бўлди ва кейинги босқичга чиқиш имкониятини йўқотди.

ЖЧ-2014. "Е" гуруҳи, 2-тур.

ГОНДУРАС - ЭКВАДОР 1:2

Куритиба. “Арена Байшада” стадиони.

Бош ҳакам: Бенжамин Уильямс (Австралия)

Голлар: Костли (31), Эннер Валенсия (34, 65)

Гондурас: Валладарес, Фигероа, Бернандез, Изагирре (Гарсия, 46), Бенгтсон, Костли, Гарсия (Чавес, 83), Эспиноза, Гарридо (Мартинез, 72), Кларос, Бекелес.

Эквадор: Домингез, Гуагуа, Эразо, Паредез, Нобоа, Монтеро, Айови, Сайседо (Мендез, 82), Е,Валенсия, Минда (Груезо, 83), Антонио Валенсия.

Огоҳлантиришлар: Бернандез (7), Бенгтсон (45), Антонио Валенсия (57), Эннер Валенсия (73), Монтеро (80).

Шаҳбоз Беғамов.