Жаҳон чемпионатларининг расмий тўплари: Уругвай-1930. (Tiento, T-Model)

12 июндан 13 июлгача бўлиб ўтадиган чемпионат баҳслари “Brazuca” номли тўпларда ўйналишидан ашаддий мухлисларимизнинг хабарлари бор. Ушбу тўплар Adidas фирмаси томонидан маҳсус ЖЧ-2014 ўйинлари учун тайёрланган.



Биз эса бугундан бошлаб барча жаҳон чемпионатларининг расмий тўплари ҳақида маълумот беришга қарор қилдик.

Уругвай. 1930-йил.  Tiento, T-Model.
Уругвайда бўлиб ўтган илк жаҳон чемпионатининг финал учрашувида турнир ташкилотчилари шу масаладаги келишмовчиликлар сабабли иккита турдаги тўпларда ўйнашга руҳсат беришган. Жамоалар биринчи бўлимда аргентиналикларнинг хоҳишларига биноан “Тиенто” номи остидаги тўпларда ўйин ўтказишган. Биринчи бўлим 2:1 ҳисобида Аргентина терма жамоаси фойдасига ҳал бўлган. Танаффусдан сўнг эса ўйин бориши тезкорлик билан ўзгарган. Уругвайликлар ўйинга оғирроқ бўлган “Т-Модел” номли тўплар билан ўйнашни талаб қилишган ва 4:2 ҳисобида ғалабани тантана қилишган.


 
 

Азиз Тўхтамуродов тайёрлади.