Зелински: “Наполи” “Ювентус”ни мағлуб этиб, орзусига яқинлашмоқчи

Мазкур ўйин 1 декабрдан 2 декабрга ўтар кечаси соат 00:45 да бошланади.

“Чиройли ва қизиқарли учрашув бўлади ва биз ғалабага умид қилаяпмиз. Бу биз учун ўзига хос чақирув блади. Биз бор кучимизни ғалаба учун сарфлаб, орзуимизга эришиш сари дадил қадам ташламоқчимиз.

Агар ғалаба қозонсак, турнир жадвалида “Ювентус”дан узоқлашиш имкони бўлади, аммо бу ўйин энг аҳамиятли деб бўлмайди. Чунки олдинда яна кўплаб беллашувлар бор. “Юве”ни ютган тақдиримизда ҳам улар, Скудетто учун курашдан чиқиб кетишмайди, балки мавсум охиригача кураш олиб боришади. Чунки уларда ажойиб жамоа бор”, деди футболчи Premium Sport каналига берган интервьюсида.