Юрген Клопп: “Ким ҳам 2:7 ҳисобида мағлубиятга учрашни хоҳларди?”

Ўйиндан сўнг Мерсисайд клуби устози фикрлари билан бўлишди.

“Турли сабабларга кўра рақиб жуда яхши ўйнади ва бизни хатолар қилишга мажбур қилди. Ўйин махсус сценарий асосида кечди. Биринчи гол ҳам таъсир қилди. Аслида бундай бўлмаслиги керак бўлса ҳам. Аввал ҳам бундай голларни ўтказгандик, бироқ ўшанда у голларга тўғри реакция билдиргандик. Кейин эса ўйин чизиғини йўқотиб қўйдик. Майдоннинг учинчи қисмида яхши ўйнадик, ҳатто 2 тадан ортиқ гол ура олмаган бўлсак ҳам. Бизда ҳам яхши вазиятлар бўлди, бироқ улар голга олиб келмади. Рақибатда эса голли имкониятлар ва голлар бўлди. Бу эса асосий ролни ўйнади. Биз ушбу баҳсда футбол ўйинида нима қилиш керак бўлса, шуни қилдик. Ким ҳам 2:7 ҳисобида мағлубиятга учрашни хоҳларди? Бир неча йил аввал биз тарихга киришни хоҳлашимиз ҳақида айтардик. Ҳа, бу энди тарих, аммо бу тариқа тарихга киришни хоҳламагандик”, — дейди Клопп.