"Юнайтед" Шоуни январгача йўқотди
28 nov 2014 16:31
News

"Юнайтед" Шоуни январгача йўқотди

"Манчестер Юнайтед" ҳимоячиси Люк Шоу "Арсенал"га қарши ўйинда олган жароҳати туфайли 2014 йилда бошқа майдонга туша олмайди.

19 ёшли англиялик футболчи "Эмирейтс"ни оёғига қўйилган махсус мослама ёрдамида тарк этди. Дастлабки хулосаларга кўра футболчи 3 ҳафтача майдонга туша олмаслиги керак эди.

Бироқ чуқурлаштирилган тиббий кўрикдан сўнг Шоунинг жароҳати жиддий экани маълум бўлди. The Telegraph нашрининг хабарига кўра, футболчи бир ярим ой майдонга туша олмайди.

Люкнинг жароҳати Луи Ван Гал учун ҳақиқий бош оғриғига сабаб бўлди. Биринчидан Англияда "боксинг дей" бошланмоқда, иккинчидан Шоунинг ўрнида ўйнай оладиган ҳимоячи йўқ.

Чап қанотда ўйнаши мумкин бўлган Дейли Блинд ҳам жароҳат олган. Маркос Рохо, Фил Жонс ва Жонни Эванс каби ҳимоячилар ҳам жароҳатларини даволашмоқда.

"Арсенал" билан баҳсда Шоу мажбуран майдонни тарк этгач унинг ўрнида ярим ҳимоячи Эшли Янг ўйнади.

Link :

Source : fapl.ru

Receive latest football news directly on your phone. Subscribe for our Telegram channel!

Rating: