Хушбек Қосимов: "Мақсадимиз ёш футболчиларни катта футболга муносиб тайёрлаш"
27 apr 09:05
News

Хушбек Қосимов: "Мақсадимиз ёш футболчиларни катта футболга муносиб тайёрлаш"

Ўзбекистон кубогининг 3-туридан ўрин олган "Арал" - "Цементчи" (9:2) учрашувидан сўнг меҳмонлар бош мураббийи Хушбек Қосимов ўз фикрларини билдириб ўтди.

" Албатта "Арал" жамоасини ғалаба билан табриклайман. Узоқ йўл босиб келганимиз туфайли чарчоқ аломатлари сезилди. Бугунги ўйинда асосий таркибимиздан 5 нафар футболчи қатнашмади. Асосан ёш футболчилардан иборат футболчиларни майдонга туширдик.

2007-2008 йилларда туғилган ёш футболчилар билан ўйинни бошладик. Захирадан 2007-2008 йил ёш футболчиларимиз ўйинга қўшилишди. Бизнинг мақсадимиз мана шу ёш йигитларни катта футболга муносиб тайёрлаш. Биринчи лигада юқори ўринлар учун ҳаракат қиламиз. Уддаласак, 1-ўринни қўлга киритиш вазифамиз бор. Ишлашдан, ҳаракатдан тўхтамаймиз. "Арал" жамоасига меҳмондўстлик учун миннатдорчилик билдираман" дейди қувасойликлар устози.