Хоразмлик мураббийларга лицензиялар топширилди
13 sep 2014 09:47
News

Хоразмлик мураббийларга лицензиялар топширилди

Маълумки, кейинги йилларда мамлакатимизда болалар ва ўсмирлар спорт мактаблари, мактаб-интернатлари ва Олимпия захиралари коллежларида фаолият юритаётган футбол мураббийлари Осиё футбол конфедерацияси томонидан уюштирилаётган тегишли курсларида таҳсил олишмоқда.

Бунинг баробарида ёшларга мураббийлик қилиш ҳуқуқини берувчи лицензияга эга бўлишаётир.

Кеча Хоразм вилояти футбол федерациясида навбатдаги 20 нафар мураббийга ана шундай курсни тугатганлиги тўғрисида сертификат ва “С” тоифали лицензияни топшириш маросими бўлиб ўтди.

Тадбирда қатнашган вилоят маданият ва спорт ишлари бошқармаси бошлиғи ўринбосари Азамат Йўлдошев ва вилоят футбол федерацияси биринчи вице президенти Равшан Отажоновлар мураббийларни лицензия билан табриклаб, ўзбек футболини янада ривожлантириш йўлидаги ишларига омадлар тилашди.

Икром ХУДОЙБЕРГАНОВ.

Link :

Source : championat.asia

Receive latest football news directly on your phone. Subscribe for our Telegram channel!

Rating: