Виржил ван Дейк "Ньюкасл" билан ўйинга тайёр

"Ливерпуль" бош мураббийи Юрген Клопп жамоанинг Англия Премьер-лигаси 24-туридан ўрин олган "Ньюкасл"га қарши баҳсида ҳимоячи Виржил ван Дейк майдонга тушишини айтди. Мазкур баҳс бугун 18 февраль куни бўлиб ўтади.

"Менимча, ҳа. Бир кун олдин мутлақо тайёр кўринди. Ўйлайманки, ўйиндан олдинги машғулотларда ҳам худди шундай кўринишга эга бўлади, шундан сўнг биз аниқ қарор қабул қиламиз", – деди немис мутахассиси.

Эслатиб ўтамиз, ван Дейк 2 январь куни бўлиб ўтган АПЛнинг 19-турида "Брентфорд" билан баҳсни мушакларидаги муаммо туфайли эрта тарк этишга мажбур бўлган эди. Якунда ўша ўйин Клопп шогирдларининг 1:3 ҳисобидаги мағлубияти билан тугаган эди.