Ван Гал: "Сенегал Манесиз қолди, биз эса Депайсиз"
21 nov 2022 14:29
News

Ван Гал: "Сенегал Манесиз қолди, биз эса Депайсиз"

Нидерландия терма жамоаси бош мураббийи Луи ван Гал 21 ноябрь куни бўлиб ўтадиган Жаҳон чемпионатида Сенегал билан ўйиндан кутаётган умиди билан ўртоқлашди.

"Улар Африка чемпиони, бизга осон бўлмайди. Ҳа, Садио Мане сафдан чиқди, аммо биз ҳам Мемфис Депайсиз қолганмиз.

Мен Маненинг мухлисиман. "Манчестер Юнайтед"га мураббийлик қилганимда, у билан шартнома имзолашга ҳаракат қилганман. У Сенегалга етишмайди, лекин биз ҳам кўп гол урадиган ва ассистентлик қиладиган футболчини соғинамиз.

Мен асосий таркибда ким бўлишини аллақачон аниқлаб бўлдим. Бу қийин эмасди. 2014 йилда ҳозиргидан кучсизроқ жамоа билан учинчи ўринни эгаллагандик. Ишонаманки, биз Жаҳон чемпионлигини қўлга кирита оламиз", – деди ван Гал.

Эслатиб ўтамиз, "А" гуруҳи 1-тури доирасидаги Сенегал – Нидерландия учрашуви бугун 21:00 да бошланади.

Link :

Source : Calciomercato

Receive latest football news directly on your phone. Subscribe for our Telegram channel!

Rating: +3