Умид Тожимов: “Хоразм” янги мавсумга пухта ҳозирлик кўрди"

Учрашувдан сўнг “Хоразм” мураббийи Умид Тожимов билан суҳбатлашдик.

- Ўйин ҳақида нима дейиш мумкин? Албатта ҳар бир жамоа майдонга ғалаба қозониш мақсадида тушгани каби “Хоразм” ҳам мухлисларини қувонтиришни ўйлаганди. Бироқ биринчи бўлимда ўйинимиз унчалик қовушмади. Бунга сабаб жамоа таркиби янгитдан шаклланаётганидир. Иккинчи таймда эса вазият бироз ўзгарди. Аммо рақиб ҳам яратилган вазиятлардан унумли фойдаланиб, ғалабани ўз томонига оғдириб юборди.   

- Чемпионатга имкон қадар пухта тайёргарлик кўришга харакат қилдик. Тошкентда ҳам маълум муддат йиғин ўтказилди. Таркибда ҳам ўзгаришларга қўл урдик. Асосан маҳаллий йигитларни олиб қолиб, энди-энди катта футболга кириб келаётган ёшларни сафимизга қўшиб олдик. Раҳбарият томонидан ҳам олдимизга маҳаллий ёшларни етиштириб бериш вазифаси қўйилган. Олий лигага чиқиш учун эса 1-2 йил вақт керак бўлади. Бунинг учун аввало мустаҳкам пойдевор қўйиб олишимиз лозим.

- Дарҳақиқат, бу йил мураббий сифатида дебют мавсумимни ўтказаман. Шуни айтиб ўтишни истардимки, “Хоразм”да айни дамда расмий бош мураббий Михаил Ким ҳисобланади. Мен эса мураббийлик лицензияси учун энди ўқишни бошлайман. Шу боис маълум муддат ёрдамчи сифатида ишлаб тураман.

- Янги мавсумдан нимани кутяпман? Албатта, футболчилик давримда ҳам ҳар қандай ўйинга ғалаба учун тушганман. Мураббий сифатида ҳам ютқазишни истамайман.  

Исломбек Рустамбеков.