"Уфа" собиқ устози Ўрунов ҳақида илиқ фикрларни билдирди

Эслатиб ўтамиз, 25 октябрь куни клуб 21 ёшли Ўрунов билан шартномани ўзаро келишувга кўра бекор қилиб, "Урал"ни тарк этган эди.

Стукаловнинг айтишича, иқтидорли футболчи фаолияти билан боғлиқ воқеаларнинг асл сабабларини тушунаётгани йўқ.

"У ажойиб ўйинчи, яхши координация ва техникага эга. Икки ёки уч кишини алдаб ўта олади. Агар унинг ҳар бир ўйиндаги спринтлари сонига қарасангиз, унинг даражаси юқори эканлигини кўрасиз", – деди Стукалов.

Ўрунов жорий мавсум Екатеринбург клуби таркибида 3 та ўйин ўтказиб, уларда самарали ҳаракатлари билан ажралиб турмади. Бунгача ярим ҳимоячи Москванинг "Спартак" клубида ҳам ўйнаган.

Аввалроқ Ўрунов фаолиятини Ўзбекистонда давом эттириши мумкинлиги ҳақида хабар берган эдик.