УEФА ҳакамларни симуляция қилган, тўқнашувда қатнашган ва рефериларга босим қилган футболчиларни қаттиқроқ жазолашга чақирди

Унда айтилишича, ҳакамлар симуляция ишлатган, оммавий тўқнашувларда қатнашган ва ҳакамларга босим ўтказишга уринган футболчиларга қаттиқроқ жазо тайинлашлари лозим.

"Биз ўйинда бундай нарсаларни кўришни истамаймиз. Футбол имижини ҳимоя қилишимиз даркор. Майдонда ва захира ўриндиғидаги хатти-ҳаракатларнинг айрим турларини номақбул деб ҳисоблаймиз. Футболчи бошқа ўйинчини жазоламоқчи бўлса, бу футбол учун адолатдан эмас. Бу ўйинчиларнинг ўз ҳамкасбларига нисбатан адолатсизлигини ифодалайди – бу ҳурматсизликнинг ёмон намунаси.

Симуляция билан рефериларни алдамоқчи бўлган ёки енгил қўполликдан кейин ўзини жабрланган қилиб кўрсатган ўйинчилар жазоланиши керак. Бундан ташқари, ҳакамларни алдаб, рақиб ўйинчиларига қизил ёки сариқ карточкалар кўрсатишга сабабчи бўлишни хоҳлаган футболчиларни жиддий жазога тортиши лозим.

Ушбу даражадаги ўйинларда ўйиннинг боришини ўзгартирадиган, бир сония ичида содир бўлиши мумкин бўлган турли ва муҳим вазиятлар юзага келади. Бундай вазиятларда ҳакамлар ўйинни ўқий олиши ва учрашув руҳини тушуна олиши жуда муҳим – улар тўғри чора кўришга тайёр бўлишлари, ҳар қандай йўл билан керакли қарор қабул қилишлари ва энг муҳими, эътиборли бўлишлари керак", – деди УEФА ҳакамлар қўмитаси раҳбари Роберто Розетти.