УEФА Эриксен юрак хуружи бўлгани учун "Интер"га 3 миллион евро тўлади

"Нерадзуррилар" ярим ҳимоячининг Евро-2020 турнирида юрак хуруди бўлгани учун 3 миллион евро олган.

УEФА турнирида воқеа содир бўлган вақтда даниялик ярим ҳимоячи "Интер" сафида эди, шу муносабат билан Милан клуби компенсация олиш ҳуқуқига эга бўлди.

Эслатиб ўтамиз, Дания ва Финляндия ўртасидаги Евро-2020 гуруҳ босқичининг 43-дақиқасида Эриксеннинг юрак хуружи тутади. Кейинчалик унга тери ости дефибрилатори ўрнатилди, шу муносабат билан у Италияда фаолиятини давом эттира олмади ва ўтган йилнинг декабрида "Интер"ни тарк этди.

Ҳозирда даниялик ярим ҳимоячи "Манчестер Юнайтед" сафида тўп тепмоқда, ушбу мавсумда у 15 та ўйинда майдонга тушиб, 4 та голли узатмани амалга оширди.