U-23 Осиё чемпионатига қуръа ташланди. Ўлим гуруҳидан жой олдик

Шу муносабат билан бугун мазкур мусобақага қуръа ташлаш маросими ўтказилди.  

16 жамоа тўрттадан 4 гуруҳга бўлинади ва ҳар бир гуруҳдан иккитадан жамоа кейинги босқичга йўл олади. Мусобақа якунида кучли учликдан жой олган жамоалар Токио-2020 Олимпиада ўйинларига йўлланма олади. Биласиз, навбатдаги Олимпиада ўйинлари 2020 йил Токиода ташкил этилади. Олимпиада ўйинларининг футбол мусобақаси учун Осиёга мезбон Япониядан ташқари яна учта ўрин ажратилган. Агар Япония олимпия терма жамоаси U-23 Осиё чемпионатида ярим финалга қадар етиб борса, унда тўртинчи ўринни қўлга киритган жамоа қўшимча имтиёзга эга бўлади.

"А" гуруҳи: Таиланд, Ироқ, Австралия, Баҳрайн.
"B" гуруҳи: Қатар, Япония, Саудия Арабистони, Сурия.
"C" гуруҳи: Ўзбекистон, Жанубий Корея, Хитой, Эрон.
"D" гуруҳи: Вьетнам, КХДР, Иордания, БАА.