U-23 Осиё чемпионатидаги рақибимиз Эрон ўртоқлик учрашувида мағлуб бўлди

Ушбу мусобақада Ўзбекистон олимпия терма жамоаси билан бир гуруҳдан жой олган Эрон Индонезияга қарши ўртоқлик учрашуви ўтказди. Сафарда бўлиб ўтган ўйинда эронликлар 1:2 ҳисобида имкониятни бой беришди. Ўйиннинг охирига қадар 1:1 ҳисоби сақланиб турди, бироқ баҳс тугашига 6 дақиқа қолганида Индонезия олимпия терма жамоаси ғалабани тўпини киритди. 

Эрон U-23 жамоаси сафида Реза Шекари гол муаллифи бўлди. Ҳамид Эстили шогирдлари U-23 Осиё чемпионати гуруҳ босқичида Ўзбекистон, Хитой ва Жанубий Кореяга қарши баҳс олиб боришади. Таиланддаги мусобақа якунида кучли учликдан жой олган жамоалар Токио Олимпиадасига йўлланма олади.