Аёллар Осиё Чемпионлар Лигаси. "Насаф" сафарда "Ист Бенгал" жамоасини йирик ҳисобда таслим этди
23 nov 2025 15:07
News

Аёллар Осиё Чемпионлар Лигаси. "Насаф" сафарда "Ист Бенгал" жамоасини йирик ҳисобда таслим этди

Аёллар ўртасида Осиё Чемпионлар Лигаси гуруҳ босқич 3-тури доирасида Қаршининг "Насаф" жамоаси сафарда Ҳиндистоннинг "Ист Бенгал" жамоасига қарши майдонга тушди.

Илк дақиқалардан устунликка эга бўлган қизларимиз 18-дақиқада ҳисобни очишга муваффақ бўлишди. Нилуфар Қудратованинг узатмасидан кейин Диёрахон Хабибуллаева тўпни дарвозага йўллади. Иккинчи бўлим аввалида (52-дақиқа) Азиза Норбоева Людмила Карачик узатган тўпни дарвозага йўллаб, орадаги фарқни иккитага оширди. Ўйиннинг асосий вақтига қўшиб берилган 8-дақиқада яна ўша Диёрахон Хабибуллаева аниқ зарбаси билан якуний ҳисобни ўрнатди.

Ушбу ғалабадан кейин "Насаф" 4 очко билан "B" гуруҳи етакчисига айланиб олди, аммо турнинг яна бир учрашувида "Ухан" (Хитой) жамоаси "Бам Хатун" (Эрон) билан баҳс олиб боради. Мазкур учрашувдан аввал хитойликлар ҳисобида 4 очко бўлса, эронликларда — 3 очко бор. Гуруҳ жадвалини ушбу ҳавола орқали кўриб олишингиз мумкин.

Open in Match Center

Link :

Source : championat.asia

Receive latest football news directly on your phone. Subscribe for our Telegram channel!

Rating: +2