U-16 ўсмирлар ўртасидаги Осиё Чемпионати: Термамиз босиб ўтган йўл

Темур Олимхўжаев июнь ойи охирларида истеъфога чиқарилгани маълум қилиниб, унинг ўрнини Александр Мочинов эгаллади. Олимхўжаев ҳозир 2000 йилда таваллуд топган футболчилардан иборат терма жамоани бошқармоқда. Мочинов эса 2 ойдан ортиқроқ вақт давомида жамоани қитъа чемпионати финал босқичига тайёрлади.



Cаралаш баҳсларида ўсмирларимиз Олимхўжаев қўл остида Тошкентда ўтган йилнинг сентябрь ойида Фаластин ва Яман термаларига қарши майдонга тушишганди. Фаластинни 9:0 ҳисобида доғда қолдирган жамоамиз Ямандан 4:0 ҳисобида устун келиб, финал босқичи йўлланмасини икки йирик ғалаба орқали ҳал этишганди.

Саралаш босқичи
27 сентябрь
Фаластин – Ўзбекистон – 0:9
Голлар: Муртазоев 4, Кўчимов 7, 26-пен, Нуруллоев 50, Нурматов 52, 77, Қурбонов 67, Ғаниев 83-пен, 90+2.

29 сентябрь
Ўзбекистон – Яман – 4:0
Голлар: Кўчимов 11, 52, Жумаев 58, Маҳмудхўжаев 90+5.



ЎФФ ва “Терма жамоалар маркази” 2014 йилнинг бошидан буён ўсмирларимизнинг ушбу жамоасига имкон қадар яхши шароитларни яратиб беришга ҳаракат қилди. Кўплаб йиғинлар доирасида ўртоқлик ва назорат учрашувлари ташкил этилди. Чунки бундай ёшдаги футболчилар руҳий жиҳатдан барқарор бўлишмайди ва уларни маълум шароитга мослаб тайёрлаш зарурдир. Уйда ҳам, хорижда ҳам бир қатор терма жамоалар билан ўтказилган назорат беллашувларида ўйин услубини шакллантириш, ўйинчиларда халқаро тажрибани ўстиришга интилишди.

Ўсмирлар терма жамоаси учун, айниқса, Озарбайжондаги «Каспий Кубоги», БАА ва Туркиядаги йиғинлар, юртимизда Уммонга қарши ўтказилган баҳслар фойдали бўлди. Ўша учрашувларда бош мураббий футболчиларнинг жиддий синовларга қанчалик тайёр эканлигини текшириб олди. Юртимиздаги охирги йиғин чоғида эса «Пахтакор» ва «Бунёдкор» ёшлар таркибларига қарши беллашувлар ўтказилди. Ўша учрашувлар ва йиғинлар қанчалик самара беришини расмий ўйинлар кўрсатиб беради. Гуруҳимиздан яхши савиядаги рақиблар ўрин олишган. Уларга қарши ўйинлар осон ўтмаслиги табиий. Лекин жаҳон чемпионатига чиқиш вазифаси қўйилган экан, шунга яраша футбол намойиш этиш лозим.



Март, Туркия
Ўзбекистон – “Зенит” – 3:0
Ўзбекистон – “Кепес” – 4:0

Апрель, БАА
Ўзбекистон – БАА – 0:2
Ўзбекистон – БАА – 1:2

Май, Озарбайжон
Ўзбекистон – Қозоғистон – 8:1
Ўзбекистон – Туркия – 0:2
Ўзбекистон – Япония – 2:2 (пенальтилардан 3:5)
Ўзбекистон – Қирғизистон – 0:1

Июль, Тошкент-Туркия
Ўзбекистон – Уммон – 2:0
Ўзбекистон – Уммон - 1:2
Ўзбекистон – Саудия Арабистони – 0:3
Ўзбекистон – Қатар – 1:1
Ўзбекистон – Иордания – 0:3
Ўзбекистон – “Истанбулспор” – 7:1

Август, Тошкент-Малайзия
Ўзбекистон – “Бунёдкор” (ўсмирлар) – 3:0
Ўзбекистон – “Пахтакор-2” – 1:3
Ўзбекистон - “Бунёдкор-2” – 0:1
Ўзбекистон – “Бунёдкор-2” – 1:2
Ўзбекистон – Малайзия (ёшлар) – 0:4

Терма жамоамизнинг 2014 йилдаги барча ўйинлари ҳақида маълумот эътиборингизга ҳавола этилмоқда. У оз бўлса-да, жамоа тўғрисида хулоса чиқаришга имконият беради.


Беҳзод НАЗАРОВ.