ТТГ молиявий ҳолати оғирлиги туфайли футзал бўйича Олий лига баҳсларида қатнашмайди, унинг ўрнини "Динамо" эгаллайди
31 aug 2023 15:45
News

ТТГ молиявий ҳолати оғирлиги туфайли футзал бўйича Олий лига баҳсларида қатнашмайди, унинг ўрнини "Динамо" эгаллайди

Футзал бўйича Биринчи лиганинг 2022/23 йилги мавсуми якунларига кўра Тошкентнинг ТТГ жамоаси Олий лига йўлланмасини қўлга киритган эди.

Бироқ мазкур жамоа молиявий қийинчиликлар сабаб Лига қатнашчилари сафидан чиқишини билдириб мурожаат қилди.

“Ўзбекистон Профессионал футбол лигаси томонидан ўтказиладиган футзал мусобақалари регламенти”нинг 8.5-бандига кўра мавсум якунида юқори лигада иштирок этиш ҳуқуқини қўлга киритган клуб ушбу ҳуқуқдан воз кечса ёки унда мазкур лигада иштирок этиш учун регламент асосида тўсиқ бўлса, унинг ўрни мавсум якунига кўра кейинги ўринни эгаллаган бошқа клуб билан тўлдирилиши белгилаб қўйилган. Шундан келиб чиқиб, ўтган мавсум Биринчи лигада иккинчи бўлган ва фақатгина ўтиш ўйинида “Навбаҳор”га имкониятни бой берган Самарқанднинг “Динамо” жамоаси 2023/24 йилги мавсумни Олий лигада ўтказиши белгиланди.

Link :

Source : futsal.uz

Receive latest football news directly on your phone. Subscribe for our Telegram channel!

Rating: +1