Transfermarkt Роналдуни туғилган куни билан табриклади ва унинг "қора рўйхат"ида эканлигини эслатди
05 feb 2022 20:49
News

Transfermarkt Роналдуни туғилган куни билан табриклади ва унинг "қора рўйхат"ида эканлигини эслатди

5 февраль, шанба куни Криштиану Роналду ўзининг 37 ёшини қарши олди.

Transfermarkt порталининг Инстаграмдаги саҳифасида юлдуз футболчини хурсанд қилиши мумкин бўлган рейтинг эълон қилинди. Гап 37 ва ундан юқори ёшдаги тоифасидаги энг қиммат футболчилар рейтинги ҳақида бормоқда. Унда 35 миллион еврога баҳоланган Роналду катта фарқ билан пешқадамлик қилмоқда.

Рейтинг сарлавҳасида Transfermarkt Роналду портал саҳифасини қора рўйхатга киритганини эслатиб ўтади.

"Туғилган кунинг билан" — ушбу хабарни етказишнинг иложи бўлмади", — дейилади изоҳда. Transfermarkt ушбу постда Роналдунинг саҳифасини белгилаш мумкин эмаслигини аниқ кўрсатди.