"Тоттенхэм" президенти Хаби Алонсонинг товон пулини тўлаб, уни жамоага олиб келишга тайёр

"Тоттенхэм" клуби президенти Дэниел Леви "Байер" бош мураббийи Хаби Алонсони ўз клубига жалб қилмоқчи. Бунинг учун Леви "Байер"га керакли товон пулини тўлашга ҳам тайёр. Клуб айнан Алонсони "шпорлар" бош мураббийлигига асосий номзод сифатида кўрмоқда.

Клуб тез орада ҳаракатни бошлайди. Дэниел Леви Хаби Алонсонинг ишини юқори баҳоламоқда. Маълум қилинишича, Хаби Алонсонинг "Байер" билан шартномасидаги товон пули мураббийнинг бир йиллик маошига тенг. 

Хаби Алонсо "Тоттенхэм" билан шартнома имзолаган тақдирда ҳам у жамоани ёзда қабул қилиб олади. Мавсум якунлангунига қадар инглиз жамоасини Райан Мэйсон бошқаришда давом этади.