Тошлоқ туманида Муҳаммад Юсуф хотирасига бағишланган мусобақа бўлиб ўтди

Фарғона вилояти Тошлоқ туманида ҳам шундай мусобақа футбол тури бўйича ўтказилди. Ташкил этилган футбол турнирида 4 жамоа қатнашди. Ўйинлар бошланишидан аввал Муҳаммад Юсуф ҳаёти ва ижоди ҳақида илиқ фикрлар билдирилди. Мусобақа ташкилотчилари қатнашчиларга омад тиладилар. Шундан сўнг ўйинлар бошланиб кетди.

Дастлабки баҳсда Марғилоннинг икки жамоаси тўқнаш келди. Ўрам маҳалласининг "Ўрам" жамоаси қўшнилари Бахриннинг "Бахрин" жамоасига қарши саф тортдилар. Бу иккала жамоа ўртасидаги баҳс қизиқарли кечди. Учрашувнинг дастлабки дақиқасида ўрамликлар томонидан киритилган тўп ягоналигича қолди ва финал йўлланмасини қўлга киритишди.

Иккинчи финалчи номини аниқлаш учун Хамракнинг "Қизил ой" жамоаси Сўфиларнинг "Оқ олтин" жамоасига қарши баҳсга киришди. Кескин курашларга бой бўлган учрашувда "Оқ олтин" жамоасининг қўли баланд келди. Якуний ҳисоб 2:1. Турнирнинг финали ҳақиқий драмматикани тухфа этди. Турнирнинг сўнгги ўйинида рақибидан анча мазмунли ўйин намойиш этган "Оқ олтин" жамоаси 2:0 ҳисобида ғалаба нашидасини сурди. Турнир якунида мусобақа қатнашчиларига ташкилотчилар томонидан эсдалик совғалари тақдим этилди. Бош соврин биллур кубок "Оқ олтин" жамоасига насиб этди. Шу тариқа Муҳаммад Юсуф хотирасига бағишланган мусобақа якунланди.


Комилжон Икромов.