Тошкент вилояти футболчилари - "Яшил майдон маликалари"

Унда қуйидаги минтақадаги жамоалар ғолибликни қўлга киритишиб, ярим финал йўлланмаларига сазовор бўлишди:

Сирдарё вилояти минтақасида иштирок этган Жиззах, Тошкент вилоятлари, Тошкент шаҳри ҳамда мезбонлар ўртасида кечган баҳсларда омад пойтахт вилояти вакилларига кулиб боқди.

Фарғона минтақасида водий вакиллари ўзаро куч синашишди, бош соврин эса наманганликларга насиб этди.

Қашқадарё минтақасида мезбонлар, Самарқанд ва Сурхондарё вакиллари кураш олиб боришди, наоийликлар сабабсиз мусобақага келишмади. Самарқанд жамоаси ғолиб бўлди.

Хоразм минтақасига қўшни Бухоро вилояти делегацияси етиб келмади. Мезбонлар ҳамда қорақалпоғистонликларнинг ўзаро баҳсида майдон эгаларига “деворлари” ёрдам бериб юборди.

24-26 сентябрь кунлари Наманган шаҳрида ушбу мусобақанинг финал ўйинлари ташкил этилди. Унда бош совринни Илья Кликунов устозлигидаги Тошкент вилояти қизлари қўлга киритишди. Иккинчи ўрин Ибрагим Беляков бош мураббийлигидаги Самарқанд вилояти вакилларига, учинчи ўрин эса Карима Йўлдошева бошчилигидаги мезбонларга насиб этди.

Турнирнинг “Энг яхши...”ларига аталган совғалар қуйидаги ўйинчиларга топширилди:

Энг яхши дарвозабон – Интизор Иброҳимова (Самарқанд)
Энг яхши ҳимоячи – Дилноза Утамова (Хорзам)
Энг яхши ҳужумчи – Ёдгора Раззоқова (Наманган)
Турнир тўпурари – Садоқат Илашова (Тошкент вилояти).

Эслатиб ўтамиз, турнирнинг 2015 йилги мавсумида Тошкент вилояти, ўтган йили эса сурхондарёлик футболчи қизлар бош совринни қўлга киритишган.

Ойбек Юнусов