Тожикистоннинг "Истиқлол" клубига бош мураббий тайинланди
16 jan 2023 16:48
News

Тожикистоннинг "Истиқлол" клубига бош мураббий тайинланди

Россиялик мутахассис Игорь Черевченко "Истиқлол" клуби бош мураббийига айланди.

Қайд этилишича, мутахассис Душанбега бориб, жамоа бошқарувини ўз қўлига олган. У билан 1 йиллик шартнома тузилди.

"Бошқа вариантлар ҳам бор эди, лекин мен Тожикистонни афзал кўрдим", – деди Черевченко.

Россияда мураббий сифатида ишлаган Игорь Черевченко Москванинг "Локомотив", Калининграднинг "Балтика", Туланинг "Арсенал" ва Москва вилоятининг "Химки" клубларини бошқарган. "Локомотив" билан 2014/2015 йилги мавсумда Россия Кубогини қўлга киритган.

"Истиқлол" – Тожикистоннинг 11 карра чемпиони, 9 карра Тожикистон Кубоги соҳиби, Тожикистон Суперкубогининг 10 карра соҳиби. Клуб кетма-кет тўққиз мавсумдан бери мамлакат чемпионлигини қўлга киритиб келмоқда.

Link :

Source : championat.asia

Receive latest football news directly on your phone. Subscribe for our Telegram channel!

Rating: +4