Тожикистонлик футболчи Ваҳдат Ҳанонов ўз голидан сўнг нега йиғлаб юборди?
29 jan 2024 09:11
News

Тожикистонлик футболчи Ваҳдат Ҳанонов ўз голидан сўнг нега йиғлаб юборди?

Осиё кубоги нимчорак финал босқичидан ўрин олган Тожикистон ва Бирлашган Араб Амирликлари ўртасидаги драматик ўйинда қўшниларимиз пенальтилар сериясида ғалаба қозонишди.

Учрашувнинг 30-дақиқасида Тожикистон терма жамоаси футболчиси Ваҳдат Ҳанонов ҳисобни очди. Футболчи голни нишонлаш пайтида ўз эмоцияларини бошқара олмади ва йиғлаб юборди. Якунда учрашувнинг энг яхши футболчиси деб топилган Ҳанонов матбуот анжуманида вазиятни изоҳлади. Ваҳдат бу голини яқинда вафот этган акасига бағишлаганини маълум қилди ва бу сафар ҳам ўз эмоцияларини жиловлай олмади.