Тимур Кападзе Паулу Бенту ҳақида фикр билдирди
29 aug 11:56
News


Тимур Кападзе Паулу Бенту ҳақида фикр билдирди
"Биз машғулотдамиз. Кўрдик, мураббий келганини. Келишув бўлгани ҳақида хабаримиз йўқ. Бу терма жамоа ватан жамоаси учун энг яхшиси бўлишини тилаймиз. Хайрли бўлсин. Бу жамоани ким бошқаришидан қаъти назар Ўзбекистон терма жамоаси учун мухлислик қиламиз. Мен ҳақимда илиқ фикрлар билдирганларга миннатдорлик билдираман. Барчага раҳмат айтаман.
Раҳбарият ҳам тажрибали ва ЖЧни кўрган мутахассисни олиб келиш ниятида. Ўйлайманки, бу балки яхшиликка. Биз ҳам доим ватанимиз термаси учун ёрдам берамиз.
Раҳбарият қандай қарор қабул қилса, биз буни қўллаб турамиз. Биз мураббийга эмас, терма жамоага мухлислик қиламиз. Биринчи марта ЖЧга чиқдик. Вақт оз қолди ва биз бу турнирга яхши ҳолатда боришимиз лозим. Ким бўлишидан қаъти назар биз терма жамоага фойдамиз тегса, хурсанд бўламиз.
Терма жамоа учун ҳаракат қилиш – шараф. Биз бу либос учун муносиб бўлишга ҳаракат қиламиз.
Худога шукрки, менга берилган вазифани бажардим. 34 йиллик орзуни амалга оширдик. Бундан барча хурсанд бўлди. Қолган барчаси яхшиликка бўлади. Кўряпсизлар, сўнгги йилларда юртбошимиз томонидан футболни ривожлантириш учун барча ишлар амалга оширилмоқда. Келажагимиз бундан-да яхши бўлади.
Биз ўз устимизда ишлаймиз. Янада кучли бўлишга ҳаракат қиламиз. Ўша гап, терма жамоамиз яхши натижаларга эришишини тилаб қоламиз. Биз бундан фақатгина хурсанд бўламиз", – деди Кападзе.
Similar news

Comments
To'g'ri Temur ham hali juda ko'p bilim olishi, malakasini oshirishi shart. Lekin Katanes juda katta, favqulodda ish qilmadi, shunchaki yaxshi ishladi.
Bentu esa Katanesdan ustun emas. Shuningdek O'zbekiston futbolini Temurchalik yaxshi bilmaydi. Shuning uchun hozirgi vaziyatda Bentuning imkoniyati Katanes bilan ham, Temur bilan ham juda borsa teng hisoblansa kerak.
Paulu bentu undan aancha katta shaxs,
Kapadze ham J.Koreya BAA termalarini boshqarganda u biz uchu daho bo'lardi
Камрон укасини ёшлар чемпионатига олиб борганди, хозир хам битта иккита нолойик уйинчилар бор термада ,