Тимур Кападзе: "Ўмон билан ўйинда легионерлар бизга ёрдам беролмайди"
26 aug 19:22
News
Тимур Кападзе: "Ўмон билан ўйинда легионерлар бизга ёрдам беролмайди"
Терма жамоа бош мураббийи Тимур Кападзе йиғиннинг илк кунида қуйидаги фикрларни билдириб ўтди.
"Ассалому алайкум. Йиғинга киришдик. Олдинда бизни CАФА мусобақаси кутиб турибди. Албатта, ҳамма ҳам келиб улгурмади. Сабаби бугун ўйин бор. Таркибга эртага қўшиладиганлар ҳам мавжуд. Сал кейинроқ легионерларимиз келиб қўшилади. Кимдир 8-куни, кимдир бошқа куни келади. Мавжуд футболчилар билан йиғин ўтказмоқдамиз. Биринчи ўйинимиз 30 август куни. Бу ўйинга астойдил тайёрланамиз.
Терма жамоада ҳар бир футболчининг ўрни бор. Албатта, Жалолиддин Машарипов – ҳар бир термани кучайтирадиган ўйинчи. Бу футболда учраб турадиган ҳолат. Ўйлайманки, тезда тузалиб, сафга қайтади.
Биласиз, Ўмон терма жамоасига янги мураббий келган – бу Карлуш Кейруш. У яхши даражадаги мураббий. Ўмонликлар 6-7 кундан бери Туркияда йиғин олиб бормоқда. Ўмон билан ўйинда легионерлар бизга ёрдам беролмайди. Бошқа футболчиларга таянган ҳолда ўйнаймиз. Ўйлашимча, Ўмон уларни синаб кўриш учун ҳам яхши спарринг-рақиб бўла олади. Ҳар бир жамоанинг ўз вазифаси бор. Бизда ҳам шундай. Ҳар бир учрашувда ғалаба қозонишга ва футболчиларнинг имкониятларини кўриб чиқишга ҳаракат қиламиз", – деди Кападзе.
Эслатиб ўтамиз, Ўзбекистон CAFA мусобақасидаги юришини 30 август куни Ўмон билан ўйин билан бошлайди. Учрашув "Олимпия" стадионида 19:30 да старт олади.
Similar news
championat.asia
CAFA Nations Cup. Бир киши кам бўлиб қолган Ўзбекистон Туркманистонни кичик ҳисобда мағлуб этди
Бенту қўлдан чиқди, навбат Гжегож Бржэнчшчикиевичга
A Bola: Лёвдан сўнг Бенту ҳам Ўзбекистонга "йўқ" деди
Тимур Кападзе: "Мухлислар нега кам? Ушбу саволга биз ҳам жавоб қидиряпмиз. Легионерлар кейинги учрашувга тайёр бўлади"
Comments
Мисрга тенгма -тенг ўйинда 0-1 га ютказдик. Миср гуруҳ босқичида Испанияни хам ютиб груҳда биринчи бўлди ва ярим финалда майдон эгалари Францияга қўшимча вақтда ютказиб тўртинчи ўринни эгаллади. Испания финалда Францияни ютиб Олимипада чемпиони бўлди. Хеч қандай шарманда бўладиган холат бўлмади. Ўзбекистон ўта кучли гуруҳга тушиб қолди ва озгина омад хам етишмади.
Бизникиларга 21 асрдаям европанинг хўрозқанди мазалироқ кўринади, аммо ўзингникидан қўймасин дейди доно халқимиз. Ўзингники, ўзингники, мақтайсан, алқайсан, иккаласи ҳам ўзимизда қолади. Кўпнинг дуоси ижобат бўлиб яхши натижага эришсак ҳам ўзимизникидан миннатдор бўламиз.Чет эллик нима қилиб берарди, ахир майдонда барибир ўзимизникилар ўйнайдику.