Терма жамоа собиқ футзалчиси Абдулла Солиҳов: "Етакчи футзалчиларнинг йўқлиги жамоа ўйинига ўз таъсирини кўрсатмай қолмайди"
11 sep 20:29
News
![](https://championat.asia/upload/storage/801512_original.jpg)
![](/upload/storage/801512_220.jpg)
Терма жамоа собиқ футзалчиси Абдулла Солиҳов: "Етакчи футзалчиларнинг йўқлиги жамоа ўйинига ўз таъсирини кўрсатмай қолмайди"
Мундиал ҳақида
- Бу йилги мундиал тарихдаги энг яхшиси, шунингдек, энг қизиқарли ва кутилмаган натижаларга бой бўлади, деб умид қиламан. Мундиал ўз юртимизда бўлаётгани футзалнинг оммалашига, ушбу спорт турининг ривожига катта туртки беради ва ички чемпионатимизга бўлган эътибор янада яхшиланишига, ғолиблик учун рақобат кучайишига олиб келади. Жамоамиз энг камида гуруҳдан кейинги босқичга чиқиб, аввалги натижани яхшилашини кутаяпман, бунга кучимиз етади.
Жароҳатлар ҳақида
- Жароҳат олиб сафдан чиққан футзалчилар терма жамоамизда ўз орнига эга кучли ўйинчилар ҳисобланишади. Жароҳат спортчи билан доимо ёнма-ён юради. Барчаларига соғлик тилайман. Албатта, уларнинг йўқлиги жамоа ўйинига ўз таъсирини кўрсатмай қолмайди. Лекин жамоамизда ҳозирги вақтдаги энг кучли таркиб йиғилган ва буни улар, албатта, исботлашади, деб ўйлайман. Жамоамизга омад тилайман, насиб қилса, тарихий натижага эришамиз ва яхши учрашувлар гувоҳи бўламиз.
Соғлигидаги муаммолар сабаб фаолиятини якунлагани ҳақида
- Бизнинг эмас, Яратганнинг айтгани содир бўлади. Албатта, бу ҳолат кайфиятимни туширди. Лекин нима бўлганда ҳам, барчаси яхшиликка хизмат қилади. Бизга нима яхши-ю ёмонлигини фақат Яратган билади. Ҳозирги пайтдаги ҳолатим аъло даражада, келажакда эса мураббий бўлиши ниятим бор. Насиб қилса, буни вақт кўрсатади.
Similar news
![AMP Logo](https://championat.asia/image/logo-amp.png)
Comments