Суперкубок олдидан. Бахтиёр Қамбаралиев: "Иккала жамоанинг ҳам имконияти тенг"

Мана орадан йиллар ўтиб иккинчи бор Суперкубок бўлиб ўтади. Яна бир неча соатлардан кейин бошланадиган "Локомотив" - "Бунёдкор" учрашуви олдидан Суперкубок иштирокчиси бўлган собиқ ҳимоячи Бахтиёр Қамбаралиевнинг фикрларини билишга қизиқдик.

- 1999 йили “Навбаҳор” билан бўлиб ўтган ўйинимиз ҳамон эсимда. Очиғини айтганда ўшанда бу ўйиннинг аҳамияти ва унга бўлган қизиқиш юқори бўлмаган. "Навбаҳор"ни таркиби ҳам кучли эди. Гарчи шу йили ички чемпионатни ютган бўлсакда суперкубокда "Навбаҳор"нинг қўли баланд келганди. Бу - футбол. У кутилмаган натижаси билан қизиқ-да.

Бугунги ўйинга келадиган бўлсак, ҳар икки жамоа ҳам таркиб борасида тенг дейиш мумкин. Шунинг учун ҳам ғалабага бўлган имкониятни элликка-эллик деб айтган бўлардим.

- Вадим Абрамов "Локо" бош мураббийи этиб тайинланганига ҳам бир ой бўлди. Жамоанинг ОЧЛ саралаш босқичида ўтказган ўйинини кўрдик. Назаримда Абрамов тактик ва бошқа томонлардан қандайдир ўзгариш қилган бўлиши аниқ. Буни ўйин кўрсатади.

Исломбек Рустамбеков ёзиб олди.