Суҳроб Неъматов: “Ҳар бир баҳсга сўнгги учрашувга тушгандек чиқяпмиз”

“Қалдирғочлар” 2:1 ҳисобида сафарда ғалаба қозонди. Учрашувдан кейин бухороликлар сардори Суҳроб Неъматов ўйин ҳақида шундай деди:

- Ўйин назаримда тенг курашлар остида ўтди. Тўртта голли вазиятни яратган бўлсакда, афсуски шундан биттаси гол билан интиҳо топди. Рақиб эса 3та имкониятнинг 2тасидан унумли фойдаланиб қолди. Таркибимиз давралар оралиғида деярли янгитдан тузилди. Янги келиб қўшилган футболчилар ёмон эмас. Ҳамма жамоа муваффақият қозониши учун сидқидилдан харакат қилди. Лекин барибир вақт кераклиги билиниб турибди. Бироз ўтсин, хаммаси яхши бўлиб кетади деб ўйлайман. Биринчи даврага нисбатан ҳозирги кунни солиштириб, сифат ҳақида гапирмоқчи эмасман. Сабаби футболчилар нотўғри тушуниб, кейин мендан ранжиб қолиши мумкин. Шу боис келинг, бу ҳақда гапирмаганим маъқул.

- Айни дамда эгаллаб турган ўрнимиз “Бухоро”га мос эмас. Хавфли зонани тарк этиш учун ўйлайманки, имконият ҳали бор. Бу вазиятдан чиқиб кетишимизга ишонаман. Биз ҳар бир баҳсга худди сўнгги учрашувга чиққандек тушяпмиз. Ҳар бир ўйиннинг қиймати жуда юқори биз учун.
 

Исломбек Рустамбеков суҳбатлашди.