Суд "Барселона"дан Негрейра билан тузилган шартномаларнинг оригинал нусхаларини талаб қилди, аммо улар ҳозирча топилмади
28 oct 00:13
News
Суд "Барселона"дан Негрейра билан тузилган шартномаларнинг оригинал нусхаларини талаб қилди, аммо улар ҳозирча топилмади
2023 йилда "Барселона" клуби ва унинг раҳбарияти Испания Футбол федерацияси (RFEF) ҳузурида фаолият юритган ҳакамлар техник қўмитаси (CTA)нинг собиқ вице-президенти Хосе Мария Энрикес Негрейрага пул тўлагани учун пора олишда айбланган эди. Суд 2001 йилдан 2018 йилгача Негрейрага "Барселона" томонидан тўланган бир неча миллион еврони жиноят деб топган. Яқинда иш бўйича айрим фигурантлар — Негрейранинг ўғли Хавьер Энрикес, шунингдек клубнинг собиқ президентлари Сандро Росель ва Жозеп Бартомеу судда кўрсатма берди.
Барселона биринчи инстанция суди "блауграна"дан Негрейра билан тузилган шартномаларнинг оригинал нусхаларини, шунингдек, деярли йигирма йил давомида унга тўланган ҳисоб-фактураларни тасдиқловчи барча ҳужжатларни тақдим этишни талаб қилди.
Ҳозирча "Барселона" ва Негрейра ўртасидаги шартномаларга оид ҳеч қандай ҳужжатлар топилмаган. El Mundo нашрининг ёзишича, клуб архивида бу ҳужжатлар мавжуд эмас. Шунингдек, Негрейра берган оғзаки маслаҳатларни тасдиқловчи ёзувлар ҳам топилмаган.
Суд "Барселона" вакилидан кўрсатма беришини талаб қилди. 25 ноябрь куни судда гувоҳ сифатида жорий президент Жоан Лапорта, шунингдек клубнинг собиқ мураббийлари Луис Энрике ва Эрнесто Вальверде иштирок этади.
Similar news
championat.asia
U-17 Жаҳон чемпионати. Ўзбекистон U-17 терма жамоаси пенальтилар сериясида Хорватияни енгиб, кейинги босқичга йўл олди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
Португалия ЖЧ йўлланмасини қўлга киритганидан сўнг Роналду қисқа фикр билдирди
"Шармандалик, бу шармандалик!"
Comments
Реалчилар камрок хакам хакида гапиришларинг керак! Хакам энг куп Реал фойдасига ишлаб келган доим! Реал Ч/Л бахсларида МЮ, ЮВЕ, ЛИВЕРПУЛ... яна давом эттириш мумкин...! Бу уйинларни хакикий футбол ишкибозлари билишади! Кечаги уйинда хакам яхши бошкарди! Куп гол урарди фалон буларди... урсин эди! Фирмен тупни кизгонмасдан шеригига берганида хисоб бошкача хам булиб кетиши мумкин эди...