Latest news

01:23Суҳроб Иззатов: "Бир метрдан очиқ дарвозага ҳам тўп кирмаяпти"  1 00:54Зоир Жўрабоев: "Суперлигада учта гол урганман ва уларнинг барчаси "Бунёдкор" дарвозасидан ўрин олган"  0 00:39Луис Качорри: "Бугун "Бунёдкор" билан ўз майдонимиздаги сўнгги ўйиним бўлиши мумкин"  0 00:17Одил Ҳамробеков биринчи даврада унга энг кўп қийинчилик туғдирган футболчи кимлигини айтди  0 00:09Клублар ўртасидаги ЖЧ-2025. "Фламенго" - "Бавария" баҳсининг асосий таркиблари маълум қилинди  4 23:48Элдор Мойлиев: "Яккакурашларда ютқазсангиз, ҳеч қанақа тактика ёрдам бермайди"  0 23:33Михаил Еремчук: "Ғалаба учун аввало футболчиларга раҳмат"  2 23:30Суперлига. "Бухоро" ва "Бунёдкор"дан камбэк  1 23:14Иван Бошкович: "Ҳеч кимнинг бошини ёрмоқчи эмасман. Биз бундай ҳолатларга тайёр бўлиб боряпмиз"  3 22:56Клублар ўртасидаги ЖЧ. ПСЖ "Интер Майами"га имконият қолдирмади  168 22:45Илёс Зейтуллаев: "Бундай ажойиб ҳиссиётларни фақатгина футбол бера олади. Носир Абдусаломовни ўтган йилдан бери кузатиб келаман"  2 22:15Осиё Кубоги саралаши. Ўзбекистон аёллар терма жамоаси Шри-Ланкани 10:0 ҳисобида тор-морт этди. Нилуфар Қудратовадан "покер"  1 21:55Суперлига. "Бухоро" камбек амалга ошириб, "Шўртан"ни мағлуб этди   13 21:18Моуриньюга "Манчестер Сити" ҳимоячиси керак  0 20:56"Бунёдкор" суперкамбэк эвазига "Сўғдиёна"ни мағлуб этди  15

"Сўйлоқ тиш"га таклиф қилинган ғалати шартнома News

"Сўйлоқ тиш"га таклиф қилинган ғалати шартнома

Машҳур италиялик агент Жованни Бранчини қизиқ бир ҳикояни сўзлаб беди.

Унинг сўзларига кўра, 1997 йил Роналдо Британияга кетиши мумкин бўлган экан – бразилиялик ҳужумчига "Рейнджерс" клуби жиддий қизиқиш билдирган.

Ўта омадли — 1996/97 йилги мавсум (Роналдо "Барселона" сафида 49 баҳсда 47та (чемпионатнинг 37 ўйинида 34та) гол урган)дан кейин Италиянинг "Интер" клубига ўтди. Милан клуби ўйинчи учун 25 миллион фунт сарфлаган. Бу эса ўша пайтда рекорд натижа бўлганидан хабарингиз бор, албатта.

Кўпчилик билмаса керак, аммо 1997 йил ёзда 20 ёшли форвардга 3та клуб давогарлик қилди: "Лацио", "Интер" ва "Рейнджерс". Италянлар билан ҳаммаси тушунарли, аммо шотландияликлар жуда хавфли эдилар. Улар ўшанда "сўйлоқ тиш"га ғалати шартнома таклиф қилгандилар: "джерс" ўйинчидан фақат Чемпионлар Лигасида фойдаланмоқчи эди.

Бранчини буни тушунтиришга ҳаракат қилган: "Улар Шотландияда ҳукмрон эдилар, бироқ Чемпионлар Лигасида ҳеч омадлари юришмасди. Ҳаммаси оддий: чемпионат доирасидаги рақиблар билан ўртадаги тафовут шунчалик каттаки, натижада уларга қарши баҳслар худди расмиятчилик учун ўйнагандек ўтади. Уларнинг асосий мақсади — Европа соврини".

Ҳа, ҳақиқатдан ҳам таклиф жуда ғалати бўлган. "Интер"га келадиган бўлсак, клуб ўйинчини Бразилияда ўйнаган кезлариданоқ кузатиб юрган. Италянлар жуда қатъиятли эдилар.

Клуб ва чемпионатни ўзгартириш Роналдога салбий таъсир кўрсатмади. "Пьяченца"га қарши баҳсда бразилиялик хет-трикка эришди, мухлислар унга "феномен" тахаллусини қўйдилар. 1997 йил сарҳисобида Роналдо "Олтин тўп"га сазовор бўлди ва иккинчи марта ФИФА томонидан "йил ўйинчиси" (бунақаси тарихда илк бор юз берганди) деб эътироф этилди. "Интер" чемпионлик учун курашда "Ювентус"га енгилди ва иккинчи поғонани эгаллади. Шунингдек, клуб УЕФА Кубогига эга чиқди: ўшанда Москванинг "Спартак" жамоасини ярим финалда мағлуб этганди.

А Сериядаги фаолиятини муносиб тарзда бошлаганига қарамай, "Интер"даги даври энг яхшиси бўла олмади: бразилиялик тиззасидан олган жароҳатидан қаттиқ азият чекди. Кучли оғриқ 1998/99 йилги мавсумда ҳам уни тинч қўймади. Роналдо 2002 йил "Реал"га ўтишидан олдин икки йил мобайнида расмий ўйинларда майдонга туша олмаганди. Бу вақт ичида машҳурлигига анча путур етди, Бразилия термасида янги ва ёш ўйинчилар пайдо бўла бошлади. Шу сабабли, 2002 йилги Жаҳон Чемпионатига бориш учун улар билан жиддий курашишига тўғри келганди. 

Лекин якунда у ўша ЖЧга борган ва қандай ўйин намойиш қилгани, қандай голлар ургани ҳеч кимнинг ёдидан кўтарилмаганига шубҳа йўқ. Турнирда Роналдо нафақат майдондаги ҳаракатлари билан, балки ажабтовур соч турмаги билан ҳам тилларда достон бўлганди. 


Нозима Зарипова таржимаси

Rating: +27   

Comments

championat.asia
< show latest news
Яндекс.Метрика