"Сити" қишда Настасични сотишга тайёр

"Этихад"га Эльяким Мангала келганидан сўнг 21 ёшли Настасич деярли майдонга тушмай қўйди. Daily Mail нашрининг хабарига кўра, катта эҳтимол билан январда "Сити" сербиялик футболчига бошқа клубга кетишига рухсат беради.

Матия учун асосий даъвогарлар сифатида "Шальке-04" ва "Милан" клублари айтилмоқда. Айни пайтда "Интер"да ишлаётган "Сити"нинг собиқ устози Роберто Манчини Настасичга қизиқиш билдиргани йўқ.

Футболчининг ўзи Италияга қайтишга тайёр. Олдин у "Фиорентина" сафида фаолият олиб борган. "Милан"
Матияни кейинчалик сотиб олиш ҳуқуқи билан ижарага олмоқчи. Агар "Шальке-04" 10 миллион фунт топа олса серб Гельзенкирхенга кўчиб ўтади. Шунда у "Арсенал"га ўтишга яқин турган Бенедикт Хеведеснинг ўрнини эгаллайди.