Шерзод Ҳакимов: "Фарғона аҳлини хурсанд қилганимиздан мамнунмиз"
02 jul 2016 13:24
News

Шерзод Ҳакимов: "Фарғона аҳлини хурсанд қилганимиздан мамнунмиз"

"Нефтчи" - "Металлург" (1:0) баҳсидан сўнг фарғоналиклар ҳужумчиси Шерзод Ҳакимов "Нефтчи" матбуот хизматига интервью берди.

- Қизиқарли беллашув бўлиб ўтди. "Истиқлол" стадионига ташриф буюрган мухлисларга ҳам ўйин манзур бўлди деб ўйлайман. Албатта ғалаба қозонганимиздан хурсандман. "Металлург" яхши жамоа. Улар ҳам ўйинда ёмон таассурот қолдиришмади. Очиғи, давра сўнггидаги ғалабамиз орқали Фарғона аҳлини хурсанд қилганимиздан жуда ҳам мамнунмиз. Энди иккинчи даврага жиддий тайёрланамиз ва чемпионатнинг қолган қисмини янада муваффақиятли давом эттиришга астойдил киришамиз, - деди Ҳакимов.

Эслатиб ўтамиз, Фарғонада бўлиб ўтган "Нефтчи" - "Металлург" баҳсида майдон эгалари Шукурали Пўлатовнинг голи эвазига кичик ҳисобда ғалаба қозонишди.

"Нефтчи" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +2