Latest news

01:48"Ман Сити" Гвардиола билан узоқ йиллик шартнома имзоламоқчи  1 01:16Италия А Сериясида мавсум ўйинчиси аниқланди  1 00:45МЮ Англия кубоги финалида "Манчестер Сити"ни мағлуб қилса, тен Хаг жамоада қоладими?  3 00:25Флик "Барселона" билан 2026 йилга қадар шартнома имзолайди. Тез орада бу расман эълон қилинади  16 00:00"Истиқлол" "Нассажи"ни енга олмади ва чемпионат якунланишига икки тур қолганда пешқадамликни бой берди. Машарипов тўлиқ ўйин ўтказди  2 23:51Александр Хомяков: "Дастлабки турлардаги яхши натижалар сабаб, барча биздан мунтазам ғалаба кутмоқда"  7 23:34Эрон. "Персеполис" "Истиқлол Ҳузистон"га қарши фантастик камбэк қайд этди. Ўрунов ғалаба голини урди ва жамоасини биринчи ўринга олиб чиқди!  15 23:12Тимур Кападзе: "Дуранг адолатли натижа бўлди. Айрим футболчилар жамоамизни ёзда тарк этиши мумкин"  3 23:03Муҳсин Низомиддинов: "Бухоро" билан дуранг ўйнаш осон иш эмас"  1 22:42Веско Стешевич: "Менимча, "Навбаҳор" гол урган вазиятда ўйин қоидаси бузилганди"  8 22:25Улуғбек Бакаев: "Ўйин дуранг натижага мос ўтди"  4 22:21Самвел Бабаян: "Бугун ғалабага ўйнамадик. Натижа адолатли бўлди"  29 22:08"Шанба кунидан бошлаб стадиондаги мухлислар сони биттага кўпаяди" – Хави "Барселона" мухлислари билан хайрлашди  8 21:42Суперлига. "Олимпик" – "Андижон" (0:0). Highlights  8 21:25Суперлига. "Олимпик" ва "Андижон" нурсиз дурангга имзо чекди  43

"Шаҳрихончи", "Қумқўрғон-1977" ва "Зомин" Биринчилик кубогига қўйилмайди News

"Шаҳрихончи", "Қумқўрғон-1977" ва "Зомин" Биринчилик кубогига қўйилмайди

24 сентябрь куни Биринчи лиганинг сўнгги тур учрашувлари бўлиб ўтганди.

Регламент асосида навбат Биринчилик кубогига етиб келди. Ундан аввал эса Лига мусобақа иштирокчиларининг умумий иш фаолиятини ўрганиб чиқди. 

Афсуски, Биринчи лигада иштирок этаётган футбол жамоаларининг айримлари қонунчилик ҳужжатлари асосида фаолият юритишда сусткашликка йўл қўймоқда. Жумладан, "Шаҳрихончи", "Қумқўрғон-1977", "Зомин" каби жамоалар мавсум аввалида Лига томонидан қўйилган талабларнинг бирортасини бажармаган.

"Шаҳрихончи" футбол клубида бухгалтерия ҳисоби, ҳужжатлар умуман юритилмайди. Футболчилар билан меҳнат шартномалари шунчаки расмийлаштирилган, уларга иш ҳақи деярли тўланмайди. Клубда раҳбарият, ходимлар, мураббийлар учун шароит мавжуд эмас. Энг ачинарлиси, клуб директори номига тайинланган бўлиб, у Лига мутахассислари билан суҳбатда ўзининг клубга алоқадор шахс эмаслигини маълум қилган ва бирор масалада масъулиятни ўз зиммасига олмаган.

Сўнгги икки мавсум давомида Лига Шаҳрихон туманида катта футбол учрашувларини ташкил этиш учун ҳаракат қилди. Жамоа Иккинчи лига ғолиби сифатида Лига қатнашчилари сафига қўшилганди. Аммо туманда футбол на ҳокимлик ва на ҳомийлар томонидан қўллаб-қувватланди. Тумандаги стадионни яхшилаш бўйича берилган кафолат ва ваъдалар бажарилмади. Шундан келиб чиқиб, Лига "Шаҳрихончи" жамоасига фаолиятини Иккинчи лигада давом эттиришни тавсия қилади. Уни қатнашчилар сафидан чиқариш масаласи Лига Ижроия қўмитаси кун тартибига киритилади.

Шунингдек, мутахассисларимиз Қумқўрғонда бўлиб, "Қумқўрғон-1977" жамоаси фаолияти билан ҳам қайта танишиб чиқди. Клубда ҳужжатлар қисман юритилади, бироқ бухгалтерия ҳисоби белгиланган тартибда юритилмайди. Бунинг оқибатида клуб ҳисоб-рақамига келиб тушган ҳомийлик маблағлари айнан қандай мақсадларда ишлатилганини тасдиқловчи ҳужжатлар етарли эмас. Футболчиларга мавсум бошидан буён фақатгина бир марта иш ҳақи тўланган бўлиб, қолган даврлар учун тўловлар масаласи ҳал этилмаган. Шунинг учун жамоада раҳбарият ҳамда айрим футболчилар ўртасида зиддият юзага келган. Қўшимчасига, жамоа Биринчи лиганинг сўнгги 17-турига асоссиз ташриф буюрмади. Юқоридагилардан келиб чиқиб, "Қумқўрғон-1977" жамоаси ҳам Биринчилик кубоги учрашувларига қўйилмайди.

"Зомин" жамоаси 2022 йилги мавсум якунида Лицензиялаш талабларини умуман бажармаганидан келиб чиқиб, ПРО-Лигадан Биринчи лигага туширилганди. Шунга қарамай, жамоа раҳбарияти ПРО-Лигадаги ўрнини сақлаб қолиш учун бир қатор ёлғон маълумотлар билан турли воситаларни ишга солиб кўрди. Ваҳоланки, "Зомин" клубининг бугунги аҳволи Биринчи лига талабларига ҳам жавоб бермайди. Унда ҳужжатлар ва бухгалтерия ҳисоби белгиланган тартибда юритилмайди. Клуб учун етарлича шароитлари мавжуд стадион ҳамда ўқув-машғулот базаси қуриб берилган бўлса-да, футбол клубида фаолият юритаётган биргина шахсдан бошқа раҳбарият органи фақат қоғоздагина мавжуд. Футболчиларга март ва апрель ойлари учун иш ҳақи қисман берилган, қолган ойларда уларга шартнома асосида иш ҳақи тўланганлиги юзасидан маълумот мавжуд эмас. Клуб деярли молиялаштирмаслигидан келиб чиқиб, унинг сафар ва бошқа ҳаражатлари нақд пул кўринишида қоплаб борилган. Бироқ бу маблағлар манбаси маълум эмас. Ўрганишлар натижаси шуни кўрсатадики, "Зомин" футбол клубининг Иккинчи лига жамоасидан мутлақо фарқи йўқ.

Лига, шунингдек, "Дўстлик Тошкент", "Пахтакор-79", "Янгиер", "Жиззах" каби клублар фаолиятида ҳам айрим камчиликларни қайд этди. Бироқ мазкур камчиликлар юқоридагилар каби эмаслигидан келиб чиқиб, мазкур жамоаларга мавсум якунига қадар имконият тақдим этилади. Декабрь ойига қадар бу камчиликлар бартараф этилмаса, мазкур жамоаларнинг Лига қатнашчилари сафида қолиши масаласи Ижроия қўмита кун тартибига киритилади.

Rating:    

Comments

championat.asia
< show latest news
Яндекс.Метрика