Latest news

14:20Лаутаро Мартинес: "Ҳеч қачон бундай оғриқни ҳис қилмаганман"  0 13:50Факт. Ўзбекистон Тошкентда Эронни ютмаган. Нохуш анъана тугайдими?  6 13:20Томас Тухель: "Идеал ўйин йўқ, аммо жамоам кўп яхши томонларни кўрсатди"  0 12:50Роберт Левандовский 2025/26 йилги мавсумдан сўнг "Барселона"ни тарк этиши мумкин  4 12:16ОЧЛ-2. "Аркадағ" - "Андижон" учрашувини сингапурлик ҳакам бошқаради  8 11:47U-23 Осиё Кубоги саралаш босқичи. Қирғизистон билан дуранг ўйнаган Ўзбекистоннинг гуруҳида вазият қандай?  15 11:20Ислом Исмоилов Канада билан ўйиндан сўнг: "Пенальтилар серияси доим режамизда бўлади"  1 10:45Саудия клублари Ҳарри Магуайрга қанча маош таклиф қилгани маълум  1 10:09Вильям Салиба қанча муддатга сафдан чиққани маълум  2 09:30Here we go! Онана "Манчестер Юнайтед"ни тарк этмоқда  21 08:58"Ал Аҳли" Франция U-21 аъзосини 25 миллион еврога сотиб олди  3 08:17Роналду Мессидан ўтиб кетди  25 07:50ЖЧ-2026 саралаши. Португалия Арманистон устидан 5:0 ҳисобида ғалаба қозонди, Англия Андоррани енгди, Сербия эса Латвиядан устун келди  9 07:35Дембеленинг жароҳати жиддий бўлиб чиқди. Унинг қанча муддатга сафдан чиққани эълон қилинди  5 23:05Самарқандда хайрия учрашуви: "Динамо" фахрийлари Ўзбекистон МТЖ афсоналари учрашувида 8 та гол урилди  15

"Севилья" чемпионлик учун курашда "Барселона"га ёрдам бера оладими? News

"Севилья" чемпионлик учун курашда "Барселона"га ёрдам бера оладими?

Бугун "Реал" ЛаЛиганинг 37-тур учрашувлари доирасида "Севилья"ни қабул қилади ва чемпионлик учун муносиб эканлигини исботлашга интилади.

Жамоаларнинг имкониятига эътибор қаратишдан олдин, ушбу клубларнинг ЛаЛигадаги сўнгги баҳсларига кўз ташласак.

"Реал" ўз учрашувларида қийинчиликсиз ғалабага эришмоқда - "Гранада" билан ҳам шундай бўлди. "Бланкос" устози Зинедин Зидан Чемпионлар лигаси баҳсларидан олдин, захира таркибни майдонга туширди. Асосий таркибдан фақат Серхио Рамос ва Карлос Касемиро ўйнади. Колумбиялик хавбек Хамес Родригес ва форвард Альваро Мората яхши ҳаракат қилишди. Родригеснинг кўрсаткичлари ажойиб - 4 та сўнгги учрашувда 5 та гол! Мората эса ЛаЛигада 15 та гол уришга муваффақ бўлди.

Моратанинг дубли ва иккинчи таркибнинг ажойиб ўйини клуб мухлисларини иккилантириб қўйди. "Галактикос"нинг баъзи мухлислари нега ғазабда эканлигини тушуниш қийин эмас: Мората ўйнаган 24 та учрашувидан 13 тасида асосий таркибда майдонга тушди (1253 дақиқа). Бензема 27 та учрашувнинг 21 тасида асосий таркибда пайдо бўлди (1751 дақиқа). Аммо Мората 15 та гол урди, "Лион" собиқ форварди эса тўққизта! Зидан Каримни захирага олиши учун бироз мардлик етишмаётгандир. Яна бир тахмин, испан ОАВнинг ёзишича, Зинедин Бензема ватандоши бўлгани учун унга кўпроқ имконият бермоқда. Қизиқ, "Реал" собиқ устози Висенте дель Боске бир пайтлар Давор Шукерни захирага олиб, ёш ҳужумчи Фернандо Морьентесга ишонч билдиришдан қўрқмаган...


"Севилья" эса Сан-Себастьяннинг "Реали"ни таслим эта олмади. "Сосьедад" билан ўйинда Хорхе Сампаоли жамоаси ёмон баҳс ўтказмади, аммо кўплаб вазиятларни йўққа чиқарди. Шу сабабли улар бор-йўғи 1 очкога эга бўлишди.


Турнир жадвали

Андалусияликлар "Атлетико"га етиб олиб, Чемпионлар лигасининг гуруҳ босқичида ўйнашни кафолатлаши мумкин, аммо орқадан "Вильярреал" уларни қувиб келмоқда. "Севилья" тўртинчи ўринни тарк этиш эҳтимоли катта, бироқ клуб охиригача курашади. Меҳмонлар ҳисобида 69 очко бор - "матрасчилар"дан 5 очко кам. "Севилья"нинг энг яқин таъқибчиси "Вильярреал"да эса 63 очко. Агар Андалусия клуби иккита мағлубиятга учраса, "сариқ сувости кемас" шунча ғалабага эришса ўринлар алмашиши мумкин. Бундан ташқари, тўплар нисбати ҳам ҳисобга олинади.

Мезбонлар "Барселона" билан биринчи ўринни бўлишиб туришибди, бироқ "Қироллик клуби"нинг захирасида яна бир ўйин бор, мадридликлар "Сельта" билан беллашишади. "Реал"нинг бошқа рақиблари йўқ. Рауль Гонсалеснинг собиқ жамоаси иккинчи ўриндан пасга тушиб кетмайди.



Жамоа янгиликлари

"Бланкос" ҳимоячиси Пепе 2017/2018 мавсумда Италия чемпионатида "Интер" шарафини ҳимоя қилиши мумкин. Жорий мавсум охирида португалиялик ва "Қироллик клуби" ўртасидаги битим якунига етади ва айни дамда раҳбарият ҳамда футболчи янги шартнома борасида музокара ўтказишмаяпти. Қишда клуб Пепега бир йиллик шартнома таклиф қилган эди, бироқ футболчи икки йиллик битим талаб қилди.


Муҳим футболчилар

КРИШТИАНУ РОНАЛДУ


Португалиялик "эркин ижодкор"нинг формаси жуда ажойиб ҳолатда. Роналду Чемпионлар лигасидаги сўнгги уч учрашувда "Атлетико" ва "Бавария" дарвозасини 8 маротаба нишонга олди. "Гранада"га қарши баҳсда Криштиану ўйнамади, аммо "Қироллик клуби" супер юлдузи "Севилья"га қарши баҳснинг асосий таркибидан жой олишига шубҳамиз йўқ.


Тахминий таркиблар



Учрашувдан олдинги фикрлар

Зинедин Зидан: "Севилья"га қарши баҳс қолганларидек муҳим. Уч очко олиш учун бор кучимизни ишга соламиз. "Севилья"га қарши учрашувлар доимо қийин кечган - жамоа етарли даражада кучли. Бу мавсум бор-йўғи 4 та ўйинимиз қолди, аммо айни дамда ҳеч нарсага эришганимиз йўқ. Ҳа, биз яқинмиз, бироқ ҳеч нарса ютмадик. Олдинда бизни 4 та финал кутиб турибди - 3 таси ЛаЛигада ва биттаси Чемпионлар лигасида".


Серхио Рамос: "Реал" ғалабаларга чанқоқ. Биз "Атлетико"нинг икки тезкор голидан сўнг хотиржамликни сақлаб қолдик. Учрашувни яхши бошлай олмадик. Тўрт йил ичида учинчи маротаба финалга чиққанимиздан фахрланамиз. "Реал"нинг ҳайратланарли натижаларини невараларимиз эслаб юради. Ҳозир ЛаЛига ўйинларига эътибор қаратишимиз лозим".


Хорхе Сампаоли: "Реал Сосьедад"га қарши учрашув аҳамиятли баҳс эди. "Сосьедад" бир қанча вақт устунлик қилди, бироқ кейинроқ ўйин тизгинини биз қўлга олдик. Ҳал қилувчи вазиятларда аниқлик етишмади. Агар яратган имкониятларимизнинг 30%дан фойдаланганимизда, учрашувлар муддатидан аввал якунланган бўларди. Аммо муносиб бўлмасанг, ғалаба қозона олмайсан. "Реал" билан баҳсга яхши тайёрланишга ҳаракат қиламиз. Шундан сўнггина чемпионатдаги охирги учрашув ҳақида ўйлаймиз".


Rating: +18   

Comments

championat.asia
< show latest news
Яндекс.Метрика