Latest news

12:57Гюндоган "Галатасарой"нинг уйдаги ғалабаси ҳақида: "Ливерпуль" футболчиларидан бири менга келиб сўради: "Бу ерда доим шундай атмосфера бўладими?"  2 12:38Жейми Каррагер: "Виртцни "Ливерпуль" асосий таркибидан чиқариш керак"  1 11:51Нойер – журналистга "Пафос"нинг голи ҳақида: "Сиз дарвозабон бўлганмисиз?"  2 10:48The Telegraph АПЛнинг барча даврлардаги энг яхши мураббийлар рейтингини тузиб чиқди  7 10:18Гризманн "Атлетико" тарихидаги ушбу натижага эришган илк футболчига айланди  5 09:52"Қайрат" бош мураббийи "Реал"дан учралган мағлубият ҳақида фикр билдирди  7 09:25ЎФА терма жамоалар бўлими собиқ раҳбари: "Аргентина ўйинларда иштирок этишдан бош тортди, биз эса Уругвай билан келишувга эришдик"  7 09:07Sofascore. "Галатасарой"га мағлуб бўлган "Ризеспор"нинг ҳимоясидаги энг катта баҳони Алиқулов олди  8 08:58Мбаппе: "Буни унутишга ҳеч қачон ҳаққимиз йўқ"  13 08:50МЛС. 8 та гол урилган учрашувда "Интер Майами" мағлубиятга учради, Суарес иккита гол урди  24 08:02ОЧЛ 2. Бугун "Андижон" "Ал Аҳли"ни меҳмон қилади  8 07:35Бум! Ўзбекистон мундиал стартидан олдин ЖЧ мезбони билан ўйнайди  19 02:10ЕЧЛ. "Атлетико" яна бешта гол урди, "Бавария" ва "Интер"да йирик ғалаба (барча натижалар)  12 01:21Хаби Алонсо: "Қайрат" Чемпионлар Лигасида ўйнашга муносиб жамоа"  6 00:34ЎФА терма жамоалар бўлими собиқ раҳбари: "Қозоғистон билан ўртоқлик учрашуви бўйича музокаралар олиб борилган эди, аммо..."  3

Сергей Лушчан: "Аброр Исмоилов Лео Месси ёки Роналдиньо эмас" News

Сергей Лушчан: "Аброр Исмоилов Лео Месси ёки Роналдиньо эмас"

Суперлиганинг 22-тури доирасида "Металлург" устидан қозонилган ғалабадан кейин "Навбаҳор" бош мураббийи Сергей Лушчан матбуот анжуманида қатнашди.

- Ғалаба қозондик, бу асосийси. Қолган гапларни кўп гапириш мумкин. Йигитлар бугун 1000 фоиз кучи билан ўйнашди. Уларни ғалаба билан табриклайман. Деярли бутун ўйинни 10 киши бўлиб ўйнаш жуда оғир. Биз учинчи марта шекилли, 10 киши бўлиб ўйинни якунлаяпмиз. Балки ўйинни 10 киши бўлиб бошлаш керакдир, билмайман. Асосийси ютдик. Ўйинда вазиятларимиз бўлди. Яримта ёки тўлиқ вазиятларимиз бўлган бўлса-да, фақатгина битта гол урдик.

- Филипп Иванович нега асосий таркибда майдонга тушмаяпти?

- Унинг жароҳати бор. У Тошкентда даволанди. Кеча илк марта машғулот ўтказди.

- Кейинги ўйинларда унинг майдонга тушиш эҳтимоли борми?

- Билмайман, кўрамиз. Олдин у ўйинга тушишга лойиқлигини кўрсатиш керак. Машғулотларда яхши шуғулланса, тушади. Бўлмаса йўқ. Ҳеч кимнинг жойи кафолатланмаган. Ким машғулотларда зўр бўлса, ўша ўйнайди.

- "Навбаҳор" бир киши кам бўлиб қолганидан кейин кучлироқ кўринмоқда.

- Йўқ, ундай бўлмади. Шунчаки футболчиларнинг эътибори янада ошади. Бир киши кам бўлиб қолганидан кейин руҳият биринчи ўринга чиқади. Вазифага қанча яхши ёндашса, ишлар яхши кетади. Йигитларда шу сифатни яхшилашга ҳаракат қиляпмиз. Айрим футболчиларда шундай таассуротлар бор, улар ўзларини рақибларидан бир бош устун деб ҳисоблашмоқда ва ишларнинг ярмини бажаришяпти. Улар исталган пайтда ғалабани илиб кетишни ўйлашмоқда. Ҳозирги пайтда рақибларимиз бизга қарши ҳимоявий ўйин кўрсатишяпти. Вазиятлар яратяпмиз, лекин ҳимояни ёриб ўтиш, голлар уриш осон бўлмаяпти. Шу сабабли барчасини руҳиятга боғлиқ деб ҳисоблайман. Саволингиз бўйича аниқ бир нима дея олмайман. Лекин биздаги муаммо руҳият билан боғлиқ дейишим мумкин. Илк кунданоқ "Навбаҳор"нинг бир қанча футболчилари юқори даражада эканлиги кўринган. Шу сабабли ўйинлардан олдин улар билан гаплашиб, маҳорат эвазига ҳамма ўйинда ҳам ғалаба қозониб бўлмаслигини, ишлаш, меҳнат қилиш кераклигини тушунтирганмиз.

- Аброр Исмоиловнинг кейинги ўйинларда бўлмаслиги "Навбаҳор"га қанчалик таъсир қилади?

- Ҳеч қандай. Исталган футболчини алмаштира оладиган захирамиз бор. Аброр Исмоилов - бу Аброр Исмоилов. У Лео Месси ёки Роналдиньо эмас. Бизда жамоа бор ва у бир футболчининг атрофига қурилган ва бу Аброр Исмоилов эмас. Термада ҳам асосий футболчилар бўлмаса ўйин ўзгармайдику. Биз жамоавий ўйинни қуришга ҳаракат қиляпмиз. Ҳужумдаги ва ҳимоядаги сурат кўринишни бошламоқда. Жамоалар бирор футболчининг атрофида ҳам ўйинни қуришади. Аброр яхши футболчи, лекин у ҳали тажриба орттириши керак. Аброрсиз ўйинимизда ўзгариш бўлишини кутмаяпман. Ҳа, ёмон ҳолат бўлди. Асосий таркиб футболчисини йўқотдик. Лекин бу келгуси ўйинда кучсизроқ бўламиз дегани эмас. Бироқ муаммо бунда эмас. Ҳар бир ўйинда биз рақибдан кўра кўпроқ вазият яратамиз, афсуски, фойдалана олмаймиз. Бу асосий сабаб. Агарда рақамларга қарайдиган бўлсак, бу кулгили бўлиши мумкин. Яратган вазиятларимиздан 20 фоизини голга айлантира олганимизда балки бирор ўйинимизда ҳатто дуранг ҳам ўйнамаган бўлардик. Икки метрдан гол ура олмасак, яна нима қилиш мумкин. Бу ерда гапирадиган нарсалар кўп.

- Учинчи ўринга курашиш учун имкониятлар етарлими?

- Кўрамиз. Бу футбол, бу ўйин. Олдиндан башорат қилиш қийин. Барчаси натижаларга, вазиятлардан гол уришимизга боғлиқ. Ўтган ўйинда 35 метрдан гол уриб, ҳисобни тенглаштирдик, бугун эса 2 метрдан гол ура олмаяпмиз. Гол ўтказишимиз эса осонгина бўлмоқда. Дарвозамиз ёнида стандарт бўлса бўлди. Шукурки, бугун рақибларга гол уриш учун имкон бермадик. Исталган бурчак зарбаси гол бўлмоқда. Буни ишлаб чиқиш қийин. Шунчаки рақибнинг даражасига боғлиқ.

- "Динамо"га қарши ўйиндан кейин "Навбаҳор" таркибининг 80 фоизи маҳаллий футболчилардан ташкил топиши ва ёшариши айтилганди. Бу "Андижон"га қарши ўйиндан кейин айтилган гапми ёки келишингиздан олдинги?

- Сизлар нотўғри эшитгансизлар. Бу вазифа. Ҳа, раҳбарият келаси йили таркибда маҳаллий, ўзимиздан чиққан футболчилар бўлиши кераклигини айтди. Демак, биз Наманган ва Фарғона вилоятидан кўпроқ футболчилар олиб, узоқроқ вилоят ва легионер футболчилардан қочиб, асосан маҳаллий коллектив шакллантирмоқчимиз. Бу тўғри йўналиш. Биз рақибларга қарайдиган бўлсак, ҳар бир жамоада бир неча нафардан наманганлик футболчилар бор. Буни мен ҳам, раҳбарият ҳам тушунмади. Айрим наманганлик футболчилар борки, ҳозир жамоага керак. Шартномам йил охиригача. Агарда буни узайтирадиган бўлсак, барчасини кўриб чиқамиз. Нима бўлган тақдирда ҳам, ўрнимда ким ишласа ҳам бу вилоят футболчиларини йиғиши керак. Улар жамоа учун керакли футболчилар бўлади.

Ҳа, илк кунларданоқ менга шундай топшириқ берилганди. Кубокка катта эътибор бериш ҳам керак эди. Келаси йили таркибда 80 фоиз футболчилар маҳаллий бўлиши йўлида ишлаяпман. Бунинг учун бир қанча молиявий муаммолар бор. Ҳозир легионерларга пул тўлаш осон эмас. Бир вақтлар "Бунёдкор"да ишлаганимда ҳам шундай муаммо бўлганди. Легионерга маҳаллий футболчиларнинг нархида пул тўланарди. Нега? Легионер келяптими демак, даража уч бош баланд бўлиши керак. Демак, бундай футболчи олиб келинмаса, маҳаллий футболчилар билан ўйнаган маъқул. Менга ҳозир шу йўл ёқяпти.

Rating: +7   

Comments

championat.asia
< show latest news
Яндекс.Метрика