Latest news

09:38Расман. АПЛдаги илк истеъфо содир бўлди  3 08:55Бугун U-17 терма жамоамиз Марокашга қарши майдонга тушади  3 08:26Бугун Ўзбекистон U-23 терма жамоаси Осиё кубогига йўлланма олиши мумкин  2 07:58ЖЧ-2026. Яна бир терма жамоа мундиал йўлланмасини қўлга киритди  2 07:30Юртбошимиз ташриф буюрган, Ўзбекистон МТЖ чемпионликни қўлга киритган мусобақанинг тақдирлаш маросимидан ФОТОГАЛEРEЯ  0 07:13CAFA Nations Cup-2025. Ўзбекистон - Эрон 1:0  17 02:00ЖЧ саралаши. Италия Исроил дарвозасига 5та гол урди, Швеция кутилмаганда мағлубиятга учради  10 00:42CAFA Nations Cup-2025. Энг яхшилар аниқланди ва ғолибга соврин топширилди  44 00:30Муҳаммадрасул Абдумажидов Бельгия клубига ўтмайди  5 00:14Славен Билич Ўзбекистон терма жамоаси бош мураббийига айланиши мумкин  75 00:05Тимур Кападзе: "Эрон терма жамоаси қачон рози бўлган ўзи?"  132 23:00Қозоғистон Президенти Тоқаев: "Футбол клубларини хусусийлаштириш бўйича ишларни тезлаштириш керак. Бусиз футбол ривожланмайди"  4 21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  1045 20:32Шавкат Мирзиёев Жанни Инфантинога “Дўстлик” орденини топширди  20 20:26Португалиялик мураббий Озарбайжон терма жамоаси бош мураббийлигидан кетди  11

Сергей Лушан: "Ғалаба футболчиларники, мағлубият эса меники" News

Сергей Лушан: "Ғалаба футболчиларники, мағлубият эса меники"

“Олмалиқ” – “Бунёдкор” учрашувидан кейин матбуот анжумани ташкил этилмади. Шунга қарамасдан, “қалдирғочлар” устози Сергей Лушаннинг фикрлари билан қизиқдик.
- Ғалаба қозонганимиздан хурсандман. Умуман олганда, учрашувни ёмон ўтказмадик. Лекин ўзига яраша камчиликларимиз ҳам кўзга кўринди. Биринчи бўлимда футболчиларимиз кўрсатган ўйин ёқди. Биринчидан, ҳисобда ортда бориб, кейин кучли ирода намойиш этган ҳолда иккита гол урдик. Иккинчидан, майдондаги футболчиларимиз мураббийлар штаби кўрсатмаларини яхши бажаришди. Иккинчи бўлимда эса қарши ҳужумда вазиятлар яратмоқчи эдик. Шу боисдан ҳам захирадан тезкор ўйин намойиш этадиган ҳужумкор ўйинчиларни туширдик. Бу режамиз ҳам иш берди. Яъни вазиятлар кўп бўлди. Лекин яратилган имкониятлардан оқилона фойдалана олмадик. Лекин биз яхши ва тўғри йўлдамиз. Футболчилар секин-аста мен истаган ўйинни намойиш этишмоқда, - деб гап бошлади Сергей Иванович.

- “Бунёдкор” футболчилари гол ўтказиб юборгач тушкунликка тушишгани йўқ. Аксинча, характер кўрсатишган ҳолда иккита гол уришди. Ўтказиб юборилган голдан кейин алоҳида кўрсатмалар бердингизми ёки...

- Ҳа, ўйин стартидаёқ пенальтидан гол қўйиб юбордик. Лекин тушкунликка тушганимиз йўқ. Шогирдларимнинг руҳий ҳолатини жуда яхши биламан. Мен футболчиларга доим таъкидлаб келаман: мағлубият меники, ғалаба эса сизларники деб.

- “Бунёдкор” бош мураббийи бўлганингиздан кейин “Олмалиқ”қа қарши 3та ўйин ўтказдингиз. Рақиб ўйинида ўзгаришларс ездингизми?
- Ҳеч бир мураббий рақиб жамоа ҳақида батафсил гапира олмайди. Чунки у ердаги муҳит, тайёргарлик жараёни ва бошқа ҳолатлар ҳақида етарли маълумотга эга бўлмай туриб, бирон нима дейиш қийин. Лекин майдонда кўрсатилган ўйин борасида “Олмалиқ” ҳар доим ҳам хавфли рақиб бўлиб келган. Жамоа устози бир неча йиллардан буён пойдевори кучли бўлган аҳил жамоани шакллантирмоқда. “Олмалиқ” сафида юқори савиядаги футболчилар ҳам етарли топилади.

- “Бунёдкор”нинг яънги аъзолари – Самир Бекрич, Иван Милошевич ва Шукурали Пўлатовнинг ўйини борасида қандай фикрдасиз?
- Бу футболчиларнинг потенциали юқори эканлигига шубҳам йўқ. Лекин ҳозирги ҳолатда улар мен истаган ўйинни намойиш эта олишмаяпти. Бекрич, Милошевич ва Пўлатовнинг сафимизга қўшилганига ҳеч қанча вақт бўлгани йўқ. Қолаверса, иккинчи давра учрашувлари ҳам эндигина старт олди. Ишонаманки, бу футболчилар секин аста ўзларини узоқ йиллардан буён “Бунёдкор”да фаолият юритаётгандек тута бошлашади. Лекин бир нарсани айтиб ўтмоқчи эдим. Бекрич ва Милошевич ҳозирги ҳолатида ҳам олий лигадаги энг яхши легионерлардан бири, дея оламан. Бугунги кунда олий лигадаги энг кучли хорижлик футболчи деб фақатгина Шакер Зуагини айтган бўлардим. У ҳақиқатдан ҳам ўзини оқлаяпти – ҳақиқий профессионал ва етук даражаги футболчи.
Rating:    

Comments

championat.asia
< show latest news
Яндекс.Метрика