Саутгейт Кейннинг покеридан сўнг: "Агар уни яна майдонда қолдирсам, Рунилар оиласидан қўнғироқ бўларди"

"ЖЧ-2022да ўйнаш ҳуқуқи сафарда қўлга киритилди - Будапешт, Варшава ва Англияда. Яхши йил учун футболчи ва ходимларга раҳмат айтаман. 

Қандай даражадаги рақибларга қарши тўқнаш келиш борасида биз хеч қанақа таъсир кўрсата олмаймиз. Аммо ҳар бир рақибга қарши жиддий тайёрланамиз. 

Агар Гарри Кейнни яна ярим соат ўйнатганимда, бизга Рунилар оиласидан қўнғироқ бўларди.

Гарри ноёб ҳужумчи, унга ўзини кўрсатиш учун имконият бергандик ва у буни уддалади", - деди Саутгейт. 

Маълумот учун, Уэйн Руни 53 та гол билан Англия терма жамоаси тарихидаги энг яхши тўпурар ҳисобланади. Кейннинг голлари сони эса 48 тага етди.