Саудия Арабистони учун кейинги бекат - ЖЧ саралаш ўйини
26 mar 2021 12:09
News

Саудия Арабистони учун кейинги бекат - ЖЧ саралаш ўйини

ЖЧ саралашдаги рақибимиз Саудия Арабистони кеча Қувайтга қарши ўртоқлик учрашуви ўтказиб, 1:0 ҳисобида ғалаба қозонди.

Учрашувнинг 70-дақиқасида Абдуллоҳ Ал Амри томонидан киритилган гол саудияликларга кичик ғалабани тақдим этди. Энди бу жамоанинг навбатдаги баҳси 30 март куни расмий мақомда бўлади. Саудия Арабистони ЖЧ-2022 саралаш босқичи доирасида Фаластин билан баҳс олиб боради.

Агар бу учрашувда саудияликлар ғалаба қозонса, турнир жадвалининг биринчи поғонасига кўтарилиб олишади. Фаластин билан бўладиган ўйин ҳам Ар Риёд шаҳрида ташкил этилади.

Қувайт эса эндиликда БААга сафар қилиб, у ерда душанба куни Ливанга қарши назорат баҳсини ўтказади. Қуйида кеча бўлиб ўтган Саудия Арабистони - Қувайт ўйинидан суратларни келтириб ўтамиз.