Саудия Арабистони терма жамоаси май ойида иккита ўртоқлик учрашувини ўтказади
18 apr 2014 11:36
News

Саудия Арабистони терма жамоаси май ойида иккита ўртоқлик учрашувини ўтказади

Ўзбекистон миллий терма жамоасининг ОК-2015 гуруҳ босқичидаги рақиби – Cаудия Арабистони терма жамоаси май ойида иккита ўртоқлик учрашувини ўтказади.

ФИФА расмий сайтида хабар берилишича, Саудия Арабистони терма жамоаси ҳар иккала ўртоқлик учрашувини ҳам ўз уйида ўтказади. Дастлаб, 24 май куни Молдова терма жамоаси Саудия Арабистонига ташриф буюрса, 30 май куни Грузия терма жамоасига қарши учрашув ўтказилади.

Аввал хабар берилганидек, Ўзбекистон миллий терма жамоаси ҳам май ойида иккита ўртоқлик учрашувини ўтказади. 27 ва 29 май кунлари Қосимов шогирдлари Тошкентда Уммон терма жамоасига қарши иккита ўртоқлик учрашувида майдонга тушадилар.

Эслатиб ўтамиз, Ўзбекистон миллий терма жамоаси ОК-2015 «В» гуруҳида Саудия Арабистонидан ташқари Хитой ва КХДР терма жамоаларига қарши баҳс олиб боради.

Link :

Source : the-uff.com

Receive latest football news directly on your phone. Subscribe for our Telegram channel!

Rating: