Сардор Рашидов: “Охирги турда ким Жаҳон чемпионатига чиқиши ҳал бўлади”

Ушбу баҳсдан сўнг Ўзбекистон миллий терма жамоаси футболчиси Сардор Рашидов ўз фикрларини билдирди.

“Қатар терма жамоасига қарши чрашувда қийинчилик билан ғалаба қўлга киритилди. Ушбу баҳсни ойнаижаҳон орқали томоша қилган ва стадионга ташриф буюрган мухлислар хурсанд бўлди, дейб ўйлайман. Бизни қўллаб-қувватлаган мухлисларга раҳмат айтаман. Насиб қилса кейинги ўйинларда ҳам ғалабага эришамиз. Учрашувдан олдин Қатар терма жамоаси ҳақида мураббийларимизга етарлича маълумотлар бериб турдим. 

Кейинги турда сафарда Эрон терма жамоасига қарши баҳс олиб борамиз. Ушбу учрашув жуда ҳам қийин бўлади. Эрон терма жамоасини мағлубиятга учратиб 3 очкони қўлга киритишга ҳаракат қиламиз. Эрон, Жанубий Корея ва Ўзбекистон терма жамоаларида мундиал йўлланмасини қўлга киритиш учун имкониятлар етарлича. Бу нарса сўнгги тургача сақланиб қолса керак, деб ўйлайман. Охирги турда ким Жаҳон чемпионатига чиқиши ҳал бўлади”, - дейди Сардор Рашидов.

Жаҳонгир Сотволдиев суҳбатлашди