Сардор Рашидов: "Мухлислар мендан кўп нарса кутаётганини ҳис қилиб турибман"
02 apr 2021 21:44
News

Сардор Рашидов: "Мухлислар мендан кўп нарса кутаётганини ҳис қилиб турибман"

Суперлиганинг иккинчи туридан ўрин олган "Пахтакор" - "Металлург" (2:1) ўйини қизиқарли ва курашларга бой бўлди. Ушбу учрашувдан сўнг "Пахтакор" ярим ҳимоячиси Сардор Рашидов фикрлари билан ўртоқлашди.

"Гарчи кўпчилик осон ғалабани қўлга киритишимизни кутган бўлса-да, аслида ундай бўлмади. "Металлург" ҳам яхши қаршилик кўрсатди. Якунда ирода кўрсатган ҳолда муҳим уч очкога эга чиқдик. Егор Кримец қизил карточка олгандан сўнг бир киши кам бўлиб қолганимизга қарамасдан, ғалаба учун охиригача курашдик.

Терма жамоа йиғинидан кейин кайфият аъло даражада. Минглаб мухлислар қаршисида тўп тепиш барча футболчига қўшимча куч бериши тайин. Тўғри, клубга келгандан сўнг руҳият бошқача бўлиши табиий.

Апрель ойида бизни тиғиз тақвим кутмоқда. Чемпионлар Лигасидан олдин Наманганда қийин баҳсда "Навбаҳор" билан куч синашамиз. ОЧЛда Ўзбекистон шаънини ҳимоя қиламиз. Шунинг учун бор кучимиз билан тайёргарлик кўрамиз. Мухлислар мендан кўп нарса кутаётганини ҳис қилиб турибман. Ўйиндан ўйинга спорт формамни юқори даражага олиб чиқишга ҳаракат қиламан", – дейди Рашидов.

Link :

Source : championat.asia

Receive latest football news directly on your phone. Subscribe for our Telegram channel!

Rating: +19