Latest news

12:16"Бавария" ноябрда 3 асосий ўйинчиси сафга қайтишидан умидвор  0 11:45"Сўғдиёна" 6 йилдан буён Жиззахда ОКМКни ютолмаяпти  2 11:21Про лига. 14-тур учрашувларига ҳакамлар тайинланди  0 10:52"Ливерпуль" Салоҳга ўринбосар сифатида кўраётган футболчисига 100 миллион евро тўлашга тайёр  3 10:44"Сурхон" Наманганда нечта ғалабага эришганини биласизми?   3 10:21Антони Марсьяль фаолиятини Мексикада давом эттиради  2 09:502026 йилги УEФА Суперкубоги қайси стадионда бўлиб ўтиши маълум  0 09:18"Рома"нинг собиқ устози Эронни бошқариши мумкин  16 08:43Sofascore. "Бани Яс" мағлуб бўлди. Мозговой неча баҳо олди?  1 08:10Файзуллаевнинг трансфери иккинчи бўлди  3 07:35Суперлига. Бугун Жиззахда ва Наманганда ўйинлар бор  4 06:35Суперлига. "Машъал" — "Шўртан" 2:1   0 01:50Дерби олдидан "Манчестер Сити"нинг 4 футболчиси сафга қайтди  6 01:08Жанлуижжи Доннарумма: "Пеп мени жамоасида кўришни истаётганини айтди. Бу мени ғурурлантирди"  2 00:46Расман: Онана - "Трабзонспор" дарвозабони!  24

Сардор Рашидов: "Араб мамлакатларида ОЧЛ мусобақаси иккинчи ўринда туради" News

Сардор Рашидов: "Араб мамлакатларида ОЧЛ мусобақаси иккинчи ўринда туради"

Қатар юлдузлар лигаси чемпионати якунига етишига ҳам бор йўғи учта тур қолди.

Ушбу чемпионатда бир қатор футболчиларимиз тўп тепишидан барчанинг хабари бор. “Ал Жаиш” ички чемпионатда сўнгги бор “Муайдер” жамоасига қарши баҳс олиб борди ва 2:1 ҳисобида ғалаба қозонди. “Ал Жаиш” сафида ҳаракат қилаётган Сардор Рашидов ушбу баҳсда ўз номини таблога ёздириб қўйди. Рашидов чемпионат якунлари ҳақида бизни қизиқтирган саволларимизга жавоб берди.

-  Ички чемпионатда охирги маротаба “Муайдер” жамоасига қарши баҳс олиб бординглар ва қийинчилик билан ғалаба қозондинглар. Ушбу учрашувда киритилган голларнинг бирига муаллифлик қилдингиз. Ўйин ҳақида қандай фикр билдирасиз?

-  “Муайдер” жамоасига қарши учрашувда муҳим бўлган 3 очкони қўлга киритдик. Биз ушбу баҳсда фақат ғалаба қозониш учун майдонга чиққандик. Рақиб жамоа дарвозасига гол уриб клубимга фойда келтирганимдан хурсандман. 

-  Чемпионат якунланишига 3та тур қолди. Мавсум “Ал Жаиш” учун қандай ўтмоқда?

-  Бу йилги мавсум ўтган йилгидек ажойиб тарзда ўтди, дея олмайман. Лекин олдимизда иккита кубок мусобақаси бор. Мана шу икки совринни қўлга киритиш учун ҳаракат қиляпмиз. Агарда шу кубокларни ҳам қўлга кирита олсак, мавсум биз учун ажойиб тарзда ўтди, дея оламан.

-  ОЧЛ мусобақаси гуруҳ босқичига чиқа олмаганингларни инобатга олмасак, сиз айтган шу 2та кубокни қўлга киритсанглар, шуни ўзи етарлими?

-  Ҳа шундай, араб мамлакатларида ички чемпионат биринчи ўринда туради. Кейин ОЧЛ мусобақаси. Шунинг учун ҳам амир кубоги ва Қатар кубогини қўлга киритсак бўлгани. 

-  Лекин ички чемпионатда учинчи ўриндасизлар. Мавсум якунланишига 3та тур қолди. Биринчи ўринни эгаллаш учун имкониятлар етарли деб ўйласизми?

-  Тўғрисини айтсам, йўқ. Чемпион бўлишимиз жуда ҳам қийин. Буни раҳбарият ҳам тушиниб турибди. 


-  Сизнингча мана шундай омадсизликка нима сабаб бўлди?

-  Бу футбол. Футболда ҳамма нарса бўлиши мумкин. Бугун сен ғалаба қозонасан эртага бошқаси. Бу бутун жаҳон футболида бўладиган ҳолат. Кучли жамоага қарши барча клублар бор кучи билан ўйнайди. 

-  Яқиндагина “Аш Шахания” жамоасига қарши учрашувда жарима зарбасидан рақиб дарвозасига ажойиб гол урдингиз. Бундан ўзингиз ҳам хурсанд бўлган бўлсангиз керак?

-  “Ал Жаиш” сафида рақиблар дарвозасини 27 бор ишғол қилдим. Бундан жуда ҳам хурсандман. “Аш Шахания” жамоасига қарши учрашувда жарима зарбасидан рақиб дарвозасини ишғол қилдим. Очиғи бундай бўлишини кутмагандим. “Ал Жаиш” таркибида илк маротаба жарима зарбасидан гол урдим (кулиб). 

-  “Ал Жаиш” таркибида анчадан бери тўп тепяпсиз. Биламизки Қатарда етарлича мухлисларга эгасиз. Уларга дастхад беришдан ва мухлисларингиз билан суҳбатлашишдан ўзингизни олиб қочмайсизми?

-  Албатта йўқ, Қатарда ҳам ўзимга яраша мухлисга эга бўлганман. Улар билан суҳбатлашишдан қочмайман. Мухлисларни хурсанд қилиш менинг ишимга ҳам киради. 


Жаҳонгир Сотволдиев суҳбатлашди.


Rating: +33   

Comments

championat.asia
< show latest news
Яндекс.Метрика