Latest news

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  11 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  2 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  30 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Сардор Раҳмонов: "Кўпроқ ўйин амалиётига эга бўлиш учун "Нефтчи"га ўтдим News

Сардор Раҳмонов: "Кўпроқ ўйин амалиётига эга бўлиш учун "Нефтчи"га ўтдим

Ҳуқуқий жиҳатдан "Локомотив"га тегишли бўлган Сардор Раҳмонов жорий йил Нефтчида ижарада ўйнайдиган бўлди.
Шу муносабат билан ундан сайтимиз учун интервью олдик.

- Сардор, сизни "Нефтчи" йиғинида иштирок этаётганингиздан хабаримиз бор. Афтидан бу йил Фарғонада ўйнайдиган кўринасиз. Шундайми?
- Ҳа, бу борада барча масалага ойдинлик киритиб олдик. Шунинг учун энди бир йил "Нефтчи"да ижара асосида ўйнайман.

- "Локомотив" бу йил чемпионлик учун курашишни ўз олдига мақсад қилиб қўймоқда. Лекин шунга қарамай, жамоангизни ўзгартиришга қарор қилдингиз. Бу кўпроқ клубда юзага келган рақобат билан боғлиқми?

- Жорий мавсум кўпроқ ўйин амалиётига эга бўлишни истадим. Шунинг учун "Локомотив" раҳбарияти кетишимга қаршилик қилмади. Умид қиламанки бу йил "Нефтчи"да мен учун ҳаммаси яхши кечади.

- Лекин "Нефтчи"да ҳам тенг кучли ҳимоячилар ҳар бир чизиққа иккитадан тўғри келмоқда. Демоқчимизки, бу ерда ҳам доимий равишда ўйнаш осон бўлмайди. Фикримизга қўшиласизми?
- Ҳа, буни биламан. Лекин мураббий тайёр ўйинчини ўйнатади. Шу боис мен ўз устимда тинимсиз равишда ишлаб, асосий таркибга муносиб эканлигимни исботламоқчиман ва шу орқали жамоамнинг ҳар бир баҳсида майдонга тушиб, унинг ютуқларига ҳисса қўшишни истайман.

- Фарғона жамоасига келишингиз бош мураббий билан боғлиқ бўлса керак?
- Ҳа, бу ерга мени Мурод ака Исмоилов таклиф қилди. Шунингдек у кишига яқиндан ёрдам беришни бошлаган Алексей Евстафеев ҳам янги жамоасига мени чорлади.

- Янги жамоангиз сафида Ҳоким Кубоги-2014 турниридан ўрин олган битта ўйинда ҳам иштирок этишга улгурдингиз. Дастлабки таассуротлар қандай?
- Нефтчида мени илиқ кутиб олишди. Ҳаммаси қониқарли даражада. Муҳит ҳам яхши. Ўйинга келсак, ҳозирдан бир нима дейишим қийин. Насиб қилса 15 февраль куни Туркияга жўнаб кетамиз. Айнан ушбу хориж йиғини мобайнида тўлиқ мослашиб олсам керак.

Исломбек РУСТАМБЕКОВ суҳбатлашди.
Rating:    

Comments

championat.asia
< show latest news
Яндекс.Метрика