Санъат Шарипов Ўзбекистон чемпионатини танқид қилганидан сўнг, ЎФА маслаҳатчиси деб эълон қилинди
31 jul 2018 09:50
News

Санъат Шарипов Ўзбекистон чемпионатини танқид қилганидан сўнг, ЎФА маслаҳатчиси деб эълон қилинди

Санъат Шарипов куни кеча твиттерда қуйидаги твитни ёзди.

"2018 йил ҳисобидан бугун биринчи марта олий лига ўйинини ("Қўқон-1912" - "Сўғдиёна") кўрдим. Ўйин сифати, ҳакамлар, шарҳловчилар ўша-ўша...Вақт тўхтаб қолгандек...Биз кимни алдаяпмиз?", - деб ёзганди Санъат Шарипов 29 июль куни твиттердаги ўз саҳифасида.

Эслатиб ўтамиз, 29 июль куни бўлиб ўтган "Қўқон-1912" - "Сўғдиёна" учрашувида мезбонлар 2:1 ҳисобида ғалаба қозонишди. Мазкур ўйинни Аҳрол Рисқуллаев бошчилигидаги ҳакамлар бригадаси бошқариб борди. Учрашувни Қўқондаги стадиондан туриб СПОРТ телеканали шарҳловчиси Фарруҳ Расулов шарҳлаб борди.

Кеча, 30 июль куни ЎФА расмий сайтида Санъат Шарипов Ўзбекистон футбол ассоциацияси маслаҳатчиси бўлгани эълон қилинди.