Салим Мустафоев: “Жароҳатлар футболнинг ажралмас бир қисми”

Учрашувдан сўнг “темирйўлчилар” ярим ҳимоячиси Салим Мустафоев фикр билдирди.

-  Иккинчи даврага тайёргарликдан сўнг ушбу ўйин қийин бўлди. Кубок баҳсининг чорак финалида Муборакнинг “Машъал” клубига мағлуб бўлдик. Мана шу мағлубиятдан сўнг руҳан тушкунликда эдик. Кечаги ўйинда қийинчилик билан ғалаба қозонишимиз шарт эди бу вазифани бажардик.

Жароҳатлар футболнинг ажралмас бир қисми. Ҳеч ким жароҳатлардан кафолатланмаган. Ўйин пайтида рақиб футболчиси менга нисбатан жуда ҳам қўпол ҳаракатни амалга оширди. Яхшиямки ўша вақтда оёғимни олиб қолишга улгурдим. Оёғимни олиб қолишга улгурмаганимда жиддий жароҳат олишим мумкин эди.  

Иккинчи даврага тайёргарлик қизғин паллада давом этмоқда. Машғулотларда кўпроқ жисмоний ҳолатга бор эътиборимизни қаратяпмиз. Ҳозир бор эътиборимизни ьички чемпионат баҳсларига қаратганмиз. Чемпионлар лигаси доирасидаги “Ал Айн”га қарши учрашув ҳақида ҳозирча ўйламаяпмиз. Унгача бироз вақт бор.

Артур Геворкян ҳақида гапирадиган бўлсам қисқа муддат ичида бир – биримизни яхши тушуниб ҳаракат қилдик. Кейинги ўйинларда бунданда яхши ҳаракат қилиб, бир биримизни яхши тушуниб ўйин кўрсатишга ҳаракат қиламиз”, - дейди “Локомотив” футболчиси Салим Мустафоев.

Жаҳонгир Сотволдиев