Рустам Дўрмонов: "Келгусида ҳам бундай учрашувлар кўпроқ бўлишини истаймиз"

- Бугунги хотира учрашуви деймизми ёки шоуми асосийси ўйинни ташкил этилгани жуда ҳам ажойиб иш бўлди. Чунки илгари бирга ўйнаган жамоадошларимиз билан бугун учрашиб, дийдорлашдик. Бунинг учун ташкилотчиларга раҳмат айтиб қоламан, - деб гап бошлади Рустам Дўрмонов.

- Келгусида ҳам бундай учрашувлар кўпроқ бўлишини истаймиз. Бугун стадионга келган томошабинларга ҳам учрашув ёқди деб ўйлайман. Улар илгари ТВ орқали кўрган таниқли футболчиларини бугун бевосита стадионда кўришга муваффақ бўлди. Асосийси туман ахолисида катта қизиқиш уйғотди. Улар бундан хурсанд. Бу энг катта бахтдир.

- Бугунги учрашувда фахрийлар жамоасидан ким энг яхши ўйин кўрсатди?
- (Кулиб) Бизга мураббийлик қилганларни айтган бўлардим. Баҳром Ҳакимов билан Тоҳир Кападзе ютди бугун.

- Сизни олдин "Пахтакор" фахрийлар жамоасида ҳам ўйнаганингизни кўрганмиз. Айтингчи ўзи аслида Фарғона фахрийлар жамоасидан ўйнайсизми ёки...?
- "Пахтакор" фахрийлар жамоаси аъзосиман. 17 май куни "Қайрат" билан Тошкентдаги "Жар" стадионида ўйнаймиз. Фарғонага таклиф этишгани учунгина келдим холос.

- "Пахтакор" билан Фарғона фахрийлар жамоасини таққослаганда тошкентликлар кучлироқ бўлса керак?
- Ҳа, албатта. Тошкентда фахрийлар чемпионати бор-ку! 4та фахрийлар жамоаси бор. Кун ора йиғилиб футбол ўйнаб турамиз.

Исломбек Рустамбеков суҳбатлашди.