Рустам Ашурматов: "Фабио Каннаваро ўзи билганларини ўргатиб, барчасини бирдек олиб бормоқда"

- Ҳудога шукур, ўзимиз истаган ўйинни қила олдик. Баҳсга тайёргарлик чоғида рақибларнинг кучли ва кучсиз томонларини ўрганиб чиққандик. Мураббийларнинг кўрсатмаларини йигитлар қўлидан келганича бажаришга ҳаракат қилишди ва ғалабага эришдик.

- Фабио Каннаваро футболчилик фаолиятида ҳимоячи бўлган. У машғулотларда ҳимоячилар билан қўшимча ишламоқдами ёки бошқача кўрсатмалар бериляптими?

- Албатта, ўзи билганлари бўйича кўрсатмалар бериши керак. У ҳимоячилар билан алоҳида ишлагани йўқ, лекин ҳимояда ҳам ярим ҳимояда ҳам ҳужумда ҳам ўзи билганларини ўргатиб, барчасини бирдек олиб бормоқда.

- Олдинги мундиалга термамиз чиқа олмаганидан кейин мана бу сафарги жаҳон чемпионатига чиқдик. Тайёргарликда Африканинг энг кучли термаларидан бири мағлуб этилди. Термамиз янги даражага чиқмоқда десак бўладими?

- Жаҳон чемпионатига чиққандан кейин ушбу турнирда қатнашадиган барча термалар билан тенгма-тенг курашишга мажбурмиз. Шу сабабли уларнинг даражасига чиқишга, тенгма-тенг ўйнашга ҳаракат қиляпмиз. Турниргача жисмоний ҳолатимизни яхшилаб, исталган рақиб билан курашишга ўзимизни тайёрлаймиз.

- Олдинда бизни яна Эронга қарши финал кутмоқда. Ушбу термада жамоадошларингиз бор. Бу ўйин ҳақида фикрларингиз?

- Бундай ўйинлар бизга ҳам Эронга ҳам қийин ва қизиқ бўлган. Яна бир финал, унда ўзимиз истаган натижага эришишни истаймиз ва ҳаракат қиламиз. У ерда жамоадошларим бор, лекин майдонга терма билан чиқсам, бундай ҳиссиётлар унутилади.