Рустам Абдуллаев: "Қўқонлик мухлисларга ўз миннатдорчилигимни изҳор этаман"

- Бугун муҳим ғалабага эришдик. Бу муваффақият биз учун жуда зарур эди. Бизни стадионда қўллаб-қувватлаган қўқонлик мухлисларга ўз миннатдорчилигимни изҳор этмоқчиман. Ғалабани уларга бағишлаймиз. Мухлисларимизга қувонч бахш этганимиздан хурсандман.

- Бугунги ғалаба нимани ҳисобига қўлга киритилди, деб ўйлайсиз?

- Бугун шогирдларим ўйиндан олдин берилган кўрсатмаларимни бекамукўст бажаришди. Бугунги ўйинга қарши ҳужум тактикасини танлагандик ва бу бизга фойда келтирди. Мазкур баҳсда ҳимоячиларимиз ишончли ўйнашганини ҳам алоҳида эътироф этишим жоиз.

- Жамоанинг очкоси 17 тага етди ва аутсайдерлардан бироз узоқлашди. Бу ёғига хотиржам тин олиш мумкинми?

- Ҳотиржам бўлиш учун ҳали эрта. Тўғри босимдан бироз халос бўлдик. Лекин чемпионат баҳслари ҳали олдинда. Биз кейинги иккита учрашувни ўз майдонимизда ўтказамиз. “Олмалиқ” ва “Машъал” билан бўладиган ўйинларга ҳам жиддий тарзда тайёрланамиз.